નેલ્સન મંડેલા ફરી હોસ્પિટલમાં દાખલ

જોહનિસબર્ગ, 10 માર્ચ: રંગભેદની નિતિના વિરોધમાં આંદોલન ચલાવનાર દક્ષિણ આફ્રિકાના પૂર્વ રાષ્ટ્રપતિ નેલ્સન મંડેલાને આજે રૂટિન તપાસ માટે હોસ્પિટલમાં ભરતી કરાવવામાં આવ્યાં છે. થોડા મહિના પહેલાં તેમના ફેફસાંમાં સંક્રમણની સારવાર કરવામાં આવી છે.

એક પ્રવક્તાએ પોતાના નિવેદનમાં કહ્યું હતું કે 'પૂર્વ રાષ્ટ્રપતિ નેલ્સન મંડેલાએ આજે બપોર બાદ પ્રિટોરિયાની હોસ્પિટલમાં તેમની ઉંમર પ્રમાણે સ્વાસ્થ્ય સારું રાખવા માટે નિયમિત દાક્તરી તપાસ માટે ભરતી કરાવવામાં આવ્યાં છે. નિવેદન મુજબ ડોક્ટર તેમની તપાસ કરી રહ્યાં છે અને સંકેત આપ્યા છે કે કોઇપણ પ્રકારની ચિંતા કરવાની વાત નથી. 94 વર્ષીય નેલ્સન મંડેલાને ડિસેમ્બરમાં 18 દિવસ હોસ્પિટલમાં રાખવામાં આવ્યાં હતા.

English summary

Anti-apartheid icon and former South African President Nelson Mandela has been hospitalised for a "scheduled medical check-up", months after he was treated for a lung infection and gallstones.