સ્વીડનમાં સ્કાઈડાઈવિંગ પ્લેન ક્રેશ, 9 લોકોના દૂર્ઘટનામાં મોત
સ્કાઈ ડાઈવિંગ માટે ઉપયોગમાં લેવાતા એક વિમાનમાં સવાર 9 લોકોના પ્લેન ક્રેશ થઈ જવાના કારણે મોત થઈ ગયા છે.
સ્ટૉકહોમઃ સ્વીડનમાં મોટી વિમાન દૂર્ઘટના સામે આવી છે. અહીં સ્કાઈ ડાઈવિંગ માટે ઉપયોગમાં લેવાતા એક વિમાનમાં સવાર 9 લોકોના પ્લેન ક્રેશ થઈ જવાના કારણે મોત થઈ ગયા છે. માહિતી મુજબ સ્વીડનના ઓરેબ્રો એરપોર્ટની બહાર આ વિમાન ગુરુવારે દૂર્ઘટનાનો શિકાર થઈ ગયુ. પોલિસ અને રાહત તેમજ બચાવ ટીમે જણાવ્યુ કે દૂર્ઘટનામાં બધા 9 લોકોના મોત થઈ ગયા જેમાં 8 સ્કાઈડાઈવર અને એક પાયલટ શામેલ છે. મળતી માહિતી અનુસાર જ્યારે સ્કાઈ ડાઈવિંગ વિમાન ઉડાન ભરી રહ્યુ હતુ એ દરમિયાન ટેક ઑફ વખતે તે દૂર્ઘટનાનો શિકાર થઈ ગયુ.
બર્ગસ્લેગન પોલિસ પ્રવકતા લાર્સ હેડલિને જણાવ્યુ કે આ દૂર્ઘટનામાં ઘણા લોકોના મોત થયા છે. જો કે તેમણે મૃતકોની સંખ્યા નથી જણાવી પરંતુ તેમણે જણાવ્યુ કે એક વ્યક્તિને હોસ્પિટલમાં ભરતી કરાવવામાં આવી છે જેને ગંભીર ઈજા થઈ છે. તમને જણાવી દઈએ કે આ પહેલા 2019માં પણ સ્કાઈડાઈવર વિમાન દૂર્ઘટનાનો શિકાર થયુ હતુ અને તેમાં પણ 9 લોકોના મોત થઈ ગયા હતા. આ દૂર્ઘટના ઉમિયા શહેરમાં થઈ હતી.
Click it and Unblock the Notifications
Sign in with Google
