ટ્વિટર લોકમંતવ્ય નથી દર્શાવતી : અભ્યાસ

વૉશિંગ્ટન, 6 માર્ચ : વર્તમાન સમયમાં સામાન્ય ચલણ બની ગયું છે કે કોઇ પણ મીડિયા મહત્વના મુદ્દે લોકમત કે મંતવ્ય જાણવા માટે ટ્વિટરનો ઉપયોગ કરે છે. તાજેતરમાં ફ્યુ રિસર્ચ સેન્ટર દ્વારા કરવામાં આવેલા અભ્યાસનું તારણ દર્શાવે છે કે ટ્વિટર પર જોવા મળતો મંતવ્ય પ્રવાહ સામાન્ય લોકમંતવ્ય ગણી શકાય નહીં. અત્યાર સુધી અમેરિકાનું મીડિયા ટ્વિટરને જ જાહેર મંતવ્ય સમજીને દર્શાવતું આવ્યું છે. આ રિપોર્ટ બાદ ટ્વિટર પરના મંતવ્યોના ઉપયોગ અંગે મીડિયા દ્વારા ફેરફાર કરવામાં આવે એવી શક્યતાઓ ઉભી થઇ છે.

રિપોર્ટમાં જણાવ્યા અનુસાર કોઇને મત સાથે સહમતી દર્શાવતા અને કોઇ મુદ્દે ચર્ચામાં ભાગ લેતા લોકોનો વર્ગ અલગ છે. બંનેને એક સાથે મૂકી શકાય એમ નથી. આ સર્વેક્ષણ માટે એક ખાસ પ્રકારના કોમ્પ્યુટર પ્રોગ્રામનો ઉપયોગ થયો હતો. જે સોશિયલ મીડિયા પોસ્ટનું વિષ્લેષણ કરતો હતો. આ માટે પસંદ કરવામાં આવેલા સોશિયલ મીડિયા ડેટામાં અમેરીકાની આઠ મોટી અને મહત્વની સમાચાર એટલે કે ઘટનાઓનો સમાવેશ કરવામાં આવ્યો છે જેમાં 2012ની રાષ્ટ્રપતિની ચૂંટણી અને રાષ્ટ્રપતિ બરાક ઓબામાના ભાષણનો પણ સમાવેશ થાય છે.

ફ્યુ સેન્ટર દ્રારા નોંધવામાં આવ્યું કે ટ્વિટર પર વહેતા થયેલા મંતવ્યોને લોકમત સાથે કોઇ સંબંધ નથી. ટ્વિટરનો ન્યુઝ જાણવા માટે કરવામાં આવતો ઉપયોગ તેના વાંચનારા અને ન્યુઝ અપલોડ કરનારા બંનેની વચ્ચે મોટો તફાવત રહેલો છે. અહીં અહેવાલમાં એમ પણ જણાવાયું છે કે ટ્વિટર અને ફેસબુક જેવી સોશિયલ નેટવર્કિંગ સાઇટ્સ સામાન્ય રીતે યુવાનોને ધ્યાનમાં રાખીને તૈયાર કરવામાં આવી છે. આ ઉપરાંત મોટા ભાગની ચર્ચાઓમાં નકારાત્મક વલણ વધારે જોવા મળ્યું છે.

English summary

New study from the Pew Research Center has found that how people react on Twitter is often at odds with overall public opinion.