UK PM Election: ઋષિ સુનક ચોથા રાઉન્ડમાં પણ આગળ, હવે રેસમાં માત્ર 3 લોકો!
બ્રિટનના આગામી વડા પ્રધાન તરીકે બોરિસ જ્હોન્સનને બદલવાની રેસમાં બ્રિટનના ભૂતપૂર્વ નાણાપ્રધાન ઋષિ સુનકે ચોથા તબક્કાના મતદાનમાં જીત મેળવી છે. તે આ વખતે પણ નંબર વન પર રહ્યા છે.
લંડન : બ્રિટનના આગામી વડા પ્રધાન તરીકે બોરિસ જ્હોન્સનને બદલવાની રેસમાં બ્રિટનના ભૂતપૂર્વ નાણાપ્રધાન ઋષિ સુનકે ચોથા તબક્કાના મતદાનમાં જીત મેળવી છે. તે આ વખતે પણ નંબર વન પર રહ્યા છે. ધારાસભ્ય કેમી બેડેનોચ સ્પર્ધામાંથી બહાર થયા છે. આ પહેલા બ્રિટિશ પીએમની પસંદગી અંગેના સર્વેમાં નાઈજીરીયન મૂળના કેમી બેડેનોચ પ્રથમ નંબરે અને ઋષિ સુનક ચોથા નંબરે આવ્યા હતા.
આ જીત સાથે ઋષિ સુનક ટોચના બે ઉમેદવારોમાં પોતાનું સ્થાન બનાવવાની નજીક પહોંચી ગયા છે. બ્રિટિશ ભારતીય ભૂતપૂર્વ ચાન્સેલરને તેમના પક્ષના સાથીદારો દ્વારા મતદાનના ચોથા રાઉન્ડમાં 118 મત મળ્યા હતા. આ પહેલા ઋષિ સુનકને ત્રીજા રાઉન્ડના વોટિંગમાં 115 વોટ મળ્યા હતા. જ્યારે વેપાર મંત્રી પેની મોર્ડાઉન્ટને 92 મત મળ્યા હતા. પેનીને ત્રીજા રાઉન્ડમાં 82 વોટ મળ્યા, આ વખતે પેનીએ તેના વોટમાં દસ પોઈન્ટનો વધારો કર્યો છે.
ફોરેન સેક્રેટરી લિઝ ટ્રસને ચોથા રાઉન્ડમાં 86 વોટ મળ્યા, ત્રીજા રાઉન્ડમાં લિઝને 71 વોટ મળ્યા. લિઝે 15 વધુ મતો સાથે ટોચના 2માં સ્થાન મેળવવાની તક જાળવી રાખી છે. ચોથો નંબર મેળવીને વડાપ્રધાન પદની રેસમાંથી બહાર થઈ ગયેલા મંત્રી બેડેનોચને ચોથા રાઉન્ડમાં 59 મત મળ્યા હતા. હવે પાંચમા રાઉન્ડમાં બેડેનોચના 59 મતો નક્કી કરશે કે કોણ ટોપ બેમાં સ્થાન મેળવશે.
Click it and Unblock the Notifications
Sign in with Google
