US Midterm Election Results: બાઈડનનો પક્ષ બંને ગૃહમાં પાછળ, શું ડોનાલ્ડ ટ્રમ્પ બાઈડનને પછાડશે?
અમેરિકામાં મંગળવારે પૂર્ણ થયેલ મધ્યસત્ર ચૂંટણી પર સમગ્ર દુનિયાની નજર છે કારણકે આ ચૂંટણી જો બાઈડેન અને પૂર્વ યુએસ પ્રમુખ ડોનાલ્ડ ટ્રમ્પ માટે પ્રતિષ્ઠાનો વિષય છે.
US Midterm Election Results: અમેરિકામાં મંગળવારે પૂર્ણ થયેલ મધ્યસત્ર ચૂંટણી પર સમગ્ર દુનિયાની નજર છે કારણકે આ ચૂંટણી જો બાઈડેન અને પૂર્વ યુએસ પ્રમુખ ડોનાલ્ડ ટ્રમ્પ માટે પ્રતિષ્ઠાનો વિષય છે. આ ચૂંટણીનુ પરિણામ વર્ષ 2024માં અમેરિકામાં રાષ્ટ્રપતિ ચૂંટણીની ઉમેદવારી નક્કી કરશે. હાલમાં હાઉસ ઑફ રિપ્રેઝન્ટેટીવમાં રિપલ્બિકન પાર્ટી સારી સ્થિતિમાં જોવા મળી રહી છે. 154 બેઠકો પર લીડ સાથે રિપબ્લિકન પાર્ટીની બહુમતી લગભગ નિશ્ચિત માનવામાં આવી રહી છે. તમને જણાવી દઈએ કે 435 સીટોના ગૃહમાં બહુમતી માટે એક પાર્ટીને 218 સીટોની જરૂર છે. આ સાથે જ સેનેટમાં ડેમોક્રેટ્સ અને રિપબ્લિકન પાર્ટી વચ્ચે જોરદાર સ્પર્ધા છે.
તમને જણાવી દઈએ કે ટ્રમ્પે આ ચૂંટણીમાં 200થી વધુ ઉમેદવારો માટે વ્યાપક પ્રચાર કર્યો હતો. મધ્યસત્ર ચૂંટણીના જે પરિણામો સામે આવી રહ્યા છે તેમાં રિપબ્લિકન પાર્ટી હાઉસ ઑફ રિપ્રેઝન્ટેટિવ્સમાં (હાઉસ ઓફ રિપ્રેઝન્ટેટિવ્સ) વધુ સારી સ્થિતિમાં જોવા મળી રહી છે. હવે ટ્રમ્પના શબ્દોની લોકો પર અસર પડી છે કે કેમ તે તો ચૂંટણી પરિણામો જ કહેશે. મધ્યસત્ર ચૂંટણીના પરિણામો 2024ની રાષ્ટ્રપતિની ચૂંટણી પર પણ સીધી અસર કરી શકે છે. યુનાઈટેડ સ્ટેટ્સ ઑફ અમેરિકા (યુએસ) એ મંગળવારે મધ્યસત્ર ચૂંટણી માટે મતદાન કર્યુ હતુ.
મળતી માહિતી મુજબ અમેરિકન મતદારો સામે આવનારા મુદ્દાઓમાં મુદ્રાસ્ફીતિ અને ગર્ભપાત ટોચની પ્રાથમિકતાઓ છે. અપરાધ, ઇમિગ્રેશન અને બંદૂકની નીતિઓ પણ મોટી ચિંતાનુ કારણ બની હતી. 10માંથી 7 લોકો બાઈડેનને બીજી વખત રાષ્ટ્રપતિ તરીકે જોવા માંગતા નથી. રિપબ્લિકન ઉમેદવાર ટેડ બડ નોર્થ કેરોલિના સેનેટ રેસ જીતી ગયા છે. તેમણે ડેમોક્રેટ્સના ચેરી બીસ્લીને હરાવ્યા. તમને જણાવી દઈએ કે બાઈડેનની હાલત સારી દેખાઈ રહી નથી. જો મધ્યસત્ર ચૂંટણીમાં આ સ્થિતિ હોય તો માત્ર સમય જ નક્કી કરશે કે સામાન્ય ચૂંટણીઓમાં બાઈડેનની સ્થિતિ શું હશે. હાલમાં ટ્રમ્પને રાહત આપતા સમાચાર મળી રહ્યા છે.
અહેવાલો અનુસાર ડેમોક્રેટ પાર્ટીના લેટિટિયા જેમ્સે ફરીથી ન્યૂયોર્કના એટર્ની જનરલની રેસ જીતી લીધી છે. આ સમાચાર બાઈડેન માટે રાહતના હોઈ શકે છે. ઉલ્લેખનીય છે કે એક્ઝિટ પોલ્સ આગાહી કરે છે કે રિપબ્લિકન જીમ પિલેન નેબ્રાસ્કાની ગવર્નેટરી રેસ, સીએનએન પ્રોજેક્ટ જીતશે અને ડેમોક્રેટના કેરોલ બ્લડને હરાવી દેશે. સમાચાર અનુસાર, હેગમેને ડેમોક્રેટ લિનેટ ગ્રે બુલ, તેમજ લિબર્ટેરિયન અને અન્ય દાવેદારોને હરાવ્યા.
નોંધનીય છે કે નવેમ્બર 2020માં જો બાઈડેન યુનાઇટેડ સ્ટેટ્સના 46માં રાષ્ટ્રપતિ તરીકે ચૂંટાયા. મધ્યસત્ર ચૂંટણી રાષ્ટ્રપતિના કાર્યકાળના મધ્યમાં યોજાય છે. એટલે કે રાષ્ટ્રપતિની ચૂંટણીના બે વર્ષ પછી અને આગામી ચૂંટણીના બે વર્ષ પહેલા. એવુ માનવામાં આવે છે કે આ ચૂંટણીના પરિણામો દર્શાવે છે કે લોકોને વર્તમાન સરકારનુ કામકાજ કેવુ લાગી રહ્યુ છે અને દેશને કયો નેતા સારો લાગી રહ્યો છે.