• search
For Quick Alerts
ALLOW NOTIFICATIONS  
For Daily Alerts

પ્રવાસ પહેલા બોલ્યા ટ્રમ્પ- ભારતે અમારી સાથે સારો વ્યવહાર નથી કર્યો

|

વૉશિંગ્ટનઃ અમેરિકી પ્રેસિડેન્ટ ડોનાલ્ડ ટ્રમ્પ 24થી 25 ફેબ્રુઆરી સુધી પોતાના પહેલા ભારત પ્રવાસ પર આવી રહ્યા છે. આ પ્રવાસ શરૂ થતા પહેલા તેમણે ભારતને લઈ મોટું નિવેદન આપ્યું છે. ટ્રમ્પે ટ્રેડ ડીલ પર આશંકા જતાવી અને કહ્યું કે ભારતે તેમના દેશ સાથે સારો વર્તાવ નથી કર્યો. જણાવી દઈએ કે અમેરિકી પ્રેસિડેન્ટ ડોનાલ્ડ ટ્રમ્પ, પીએમ નરેન્દ્ર મોદીના વખાણ કરી ચૂક્યા છે. પોતાનો પ્રવાસ શરૂ કરતા પહેલા તેમણે કહ્યું હતું કે તેઓ પોતાના ભારત પ્રવાસને લઈ બહુ ઉત્સાહિત છે. ટ્રમ્પનો પહેલો પડાવ ગુજરાતનું અમદાવાદ હશે અને અહીંથી તેઓ નવી દિલ્હી આવશે. પાછલા દિવસોમાં વ્હાઈટ હાઉસ તરફથી તેમના આ પ્રવાસની સત્તાવાર પુષ્ટિ કરવામાં આવી હતી.

પીએમ મોદીના વખાણ કર્યાં

પ્રેસિડેન્ટ ટ્રમ્પે કહ્યું કે તેઓ ભારત સાથે એક મોટી ડીલ કરવા માંગે છે પરંતુ તેના માટે હાલ સમય નથી. ટ્રમ્પે કહ્યું કે આ ડીલ અમેરિકન ચૂંટણી પહેલા થઈ જશે કે નહિ તેમને ખબર નથી. પ્રેસિડેન્ટ ટ્રમ્પે પીએમ મોદીના વખાણ કરતા કહ્યું કે તેઓ મોદીને બહુ પસંદ કરે છે. ભારત અને અમેરિકાના વ્યાપારિક સંબંધ પર ટ્રમ્પે કહ્યું કે ભારતે અમારી સાથે સારો વ્યવહાર નથી કર્યો. પરંતુ ભારત પ્રવાસથી તેમને ઘણી ઉમ્મીદ છે. સૂત્રો મુજબ અમેરિકાના વ્યાપાર પ્રતિનિધિ રોબર્ટ લાઈટહાઈજર અમેરિકી પ્રેસિડેન્ટ સાથે ભારત પ્રવાસે નથી આવી રહ્યા. મંગળવારે ટ્રમ્પે જોઈન્ટ બેસ એન્ડ્રૂઝ પર હાજર મીડિયાને કહ્યું કે, 'ભારત સાથે અમે મોટી ટ્રેડ ડીલ કરવા માંગીએ છીએ. અમે આ કરશું. પરંતુ મને નથી ખબર કે તે અમેરિકી ચૂંટણી પહેલા થઈ શકશે કે નહિ. પરંતુ ભારત સાથે અમે એક મોટી ડીલ કરવા જઈ રહ્યા છીએ.' આ વર્ષે નવેમ્બરમાં અમેરિકામાં પ્રેસિડેન્શિયલ ચૂંટણી છે અને ટ્રમ્પની નજર બીજો કાર્યકાળ હાંસલ કરવા પર છે.

હનુમાન ભક્તિઃ AAP નેતા મહિનાના પહેલા મંગળવારે સુંદરકાંડનો પાઠ કરાવશે

English summary
Ahead of his visit US President Donald Trump says, ' We are not treated well by India.'
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X