સ્પેનની જેમ વિશ્વભરમાં થયેલી ભયાનક ટ્રેન દુર્ઘટનાઓ
સ્પેનમા એક ટ્રેન દુર્ઘટનામાં ઓછામાં ઓછા 56 લોકોના મોત નીપજ્યાં છે અને 70થી વધુ લોકોને ઇજા પહોંચી છે. અધિકારીઓએ જણાવ્યા પ્રમાણે આ દુર્ઘટના સેન્ટિયાગો દે કોમ્પોસતેલા શહેર નજીક થયો છે. આ ટ્રેન રાજધાની મેડ્રિડ અને ફેરો શહેર વચ્ચે દોડતી હતી. આ દુર્ઘટનાને સ્પેનમાં અત્યારસુધીમાં થયેલી ભયાનક ટ્રેન દુર્ઘટના ગણાવવામાં આવી રહી છે.
ક્ષેત્રીય સરકારી ઓફીસના એક પ્રવક્તાએ કહ્યું કે, આ દુર્ઘટનાએ 2004માં ઇસ્લામિક ચરમપંથીઓ દ્વારા કરવામાં આવેલા મેડ્રિડ ટ્રેન બોમ્બ વિસ્ફોટની ભયાનકતાને યાદ કરાવી દીધી છે, જેમાં 191 લોકો માર્યા ગયા હતા. ત્યારે આજે અમે અહી એવા જ કેટલાક ભયાનક ટ્રેન અકસ્માત અંગે જણાવી રહ્યાં છીએ તો ચાલો તસવીરો થકી આપણે 2002થી લઇને 2013 સુધી એટલે કે સ્પેનમાં થયેલી તાજી ટ્રેન દુર્ઘટના સુધીની માહિતી પર નજર ફેરવીએ.
2002 ઇજીપ્ત
20 ફેબ્રુઆરી 2002 ઇજીપ્તમાં થયેલા અકસ્માતમાં 361 લોકોના મોત નીપજ્યાં હતા.
2002 મોઝામ્બિક
25 મે 2002ના રોજ મોઝામ્બિકમાં થયેલા અકસ્માતમાં 192 લોકોના મોત નીપજ્યાં હતા અને મોટી સંખ્યામાં લોકોને ઇજા પહોંચી હતી.
2002 તાન્ઝાનિયા
24 જૂન 2002માં સેન્ટ્રલ તાન્ઝાનિયામાં થયેલા અકસ્માતમાં 200 લોકોના મોત નીપજ્યાં હતા.
2004 ઇરાન
ઇરાનમા 18 ફેબ્રુઆરી 2004ના રોજ થયેલા અકસ્માતમાં 320 જેટલા લોકોનું મોત નીપજ્યું હતું.
2004 સ્પેન
11 માર્ચ 2004 સ્પેનમાં થયેલા આતંકવાદી હુમલામાં 191 લોકોના મોત નીપજ્યા હતા અને 1400 લોકોને ઇજા પહોંચી હતી. મેડ્રિડના રેલવે સ્ટેશન પર આ હુમલો થયો હતો.
2004 ઉત્તર કોરિયા
ઉત્તર કોરિયામાં 22 એપ્રિલ 2004માં થયેલા ટ્રેન અકસ્માતમાં 161 લોકોના મોત નીપજ્યાં હતા, જ્યારે 1300થી વધુ લોકોને ઇજા પહોંચી હતી.
2005 જાપાન
જાપાનમાં 25 એપ્રિલ 2005માં થયેલા ટ્રેન અકસ્માતમાં 107 લોકોના મોત અને 460 લોકોને ઇજા પહોંચી હતી.
2005 પાકિસ્તાન
પાકિસ્તાનમાં 13 જુલાઇ 2005ના રોજ થયેલા ટ્રેન અકસ્માતમાં 133 લોકોના મોત નીપજ્યાં હતા.
2006 મોન્ટેંગ્રો
23 જૂન 2006માં મોન્ટેગ્રોમાં થયેલા અકસ્માતમાં 46ના મોત અને 19ને ઇજા પહોંચી હતી.
2006 ભારત
11 જુલાઇ 2006ના રોજ મુંબઇમાં ટ્રેનમાં થયેલા શ્રેણીબદ્ધ વિસ્ફોટમાં 200 લોકોના મોત નીપજ્યાં હતા.
2007 કોંગો
1 ઓગસ્ટ 2007 કોંગોમાં થયેલા અકસ્માતમાં 100થી વધુ લોકોના મોત નીપજ્યાં હતા.
2007 પાકિસ્તાન
19 ડિસેમ્બર 2007 પાકિસ્તાનમાં થયેલા અકસ્માતમાં 45 લોકોના મોત અને 100 લોકોને ઇજા પહોંચી હતી.
2008 ચીન
28 એપ્રિલ 2008માં ચીનમાં થયેલા અકસ્માતમાં 70 લોકોના મોત અને 400થી વધુને ઇજા પહોંચી હતી.
2008 શેચ રિપબ્લિક
8 ઓગસ્ટ 2008માં શેચ રિપબ્લિકમાં થયેલા અકસ્માતમાં છ લોકોના મોત થયા હતા અને 100થી વધુને ઇજા પહોંચી હતી.
2008 કેલિફોર્નિયા
12 સપ્ટેમ્બર 2008માં કેલિફોર્નિયામાં થયેલા ટ્રેન અકસ્માતમાં 25 યાત્રાળુઓના મોત નીપજ્યા હતા.
2009 વોશિંગટન
22 જૂન 2009ના રોજ વોશિંગટન ડીસીમાં થયેલા ટ્રેન અકસ્માતમાં નવ લોકોના મોત નીપજ્યાં હતા અને 70 લોકોને ઇજા પહોંચી હતી.
2009 ઇટલી
ઇટલીમાં 30 જૂન 2009ના રોજ થયેલા અકસ્માતમાં 12 લોકોના મોત નીપજ્યાં હતા.
2009 રશિયા
રશિયામાં 27 નવેમ્બર 2009ના રોજ થયેલા બોમ્બ વિસ્ફોટમાં 26 લોકોના મોત થયા હતા.
2010 રશિયા
29 માર્ચ 2010ના રોજ રશિયામાં થયેલા ટ્રેન થયેલા આત્મઘાતી હુમલામાં 38 લોકોના મોત નીપજ્યાં હતા.
2010 ભારત
ભારતમાં 28 મે 2010ના રોજ થયેલા અકસ્માતમાં 148 લોકોના મોત નીપજ્યાં હતા.
2011 ચીન
ચીનમાં 23 જુલાઇ 2011ના રોજ થયેલા ટ્રેન અકસ્માતમાં 40 લોકોના મોત નીપજ્યાં હતા જ્યારે 192 લોકોને ઇજા પહોંચી હતી.
2012 ઇજીપ્ત
ઇજીપ્તમાં એક ટ્રેન અને શાળાની બસ વચ્ચે થયેલા અકસ્માતમા 50 બાળકો અને બસ ડ્રાઇવરનું મોત નીપજ્યું હતું.
2013 ક્યૂબેક
6 જુલાઇ 2013ના રોજ ક્યૂબેકમાં એક ક્રૂડ ઓઇલ લઇ જઇ રહેલી ટ્રેનનો અકસ્માત થયો હતો, જેમાં પાંચ લોકોના મોત થયા હોવાનું જણાવાયું હતું.
2013 સ્પેન
25 જુલાઇના રોજ સ્પેનમાં થયેલા ટ્રેન અકસ્માતમાં 56 લોકોના મોત નીપજ્યાં છે.