પાકિસ્તાનના ભૂતપૂર્વ વડાપ્રધાન યૂસુફ રઝા ગીલાનીના પુત્રની ધરપકડ

ઇસ્લામાબાદ, 14 સપ્ટેમ્બર: પાકિસ્તાનના ભૂતપૂર્વ વડાપ્રધાન યૂસુફ રઝા ગીલાનીના પુત્ર મૂસા ગીલાનીની શુક્રવારે સુપ્રિમ કોર્ટની બહારથી ધરપકડ કરવામાં આવી છે. અલી મૂસા ગીલાની ઇફિડ્રિન દવાના જથ્થા સંબંધિત એક કેસની સુનાવણી માટે કોર્ટ જઇ રહ્યો હતો.

સૂત્રોના જણાવ્યા અનુસાર એએનએફ દ્રારા દાખલ કરવામાં આવેલી અરજીમાં અલી મૂસા સહિત આઠ આરોપીના નામ સામેલ છે. ગેરકાનૂની રીતે ઇફિડ્રિન દવાના વેચાણમાં થયેલા ગોટાળાની તપાસ કરી રહેલાં એએનએફના બે અધિકારીઓને નવ એપ્રિલના રોજ હટાવી દેવામાં આવ્યા હતા.

સુપ્રિમ કોર્ટની ત્રણ ન્યાયાધીશોની ખંડપીઠે જણાવ્યું હતું એક પ્રભાવશાળી વ્યક્તિના દબાણમાં ઇફિડ્રિનના સાત અરબ રૂપિયાનો જથ્થો મુલ્તાનની બે કંપનીઓને આપવામાં આવ્યો ત્યારે આ ગોટાળો બહાર આવ્યો હતો.

English summary

The Anti-Narcotics Force personnel arrested former Pakistan's prime minister Yousuf Raza Gilani's son Ali Musa Gilani on Friday. According to media reports, Ali Musa Gilani was on his way to appear for a hearing in a case related to ephedrine quota case.