અનુષ્કાના થયા વિરાટ, જુઓ એમના લગ્નની સુંદર તસવીરો!

ટીમ ઇન્ડિયાના કપ્તાન વિરાટ કોહલીએ સોમવારે રાત્રે બોલિવૂડ અભિનેત્રી અનુષ્કા શર્મા સાથે લગ્નગ્રંથિથી જોડાયા હતા. આ બંનેએ નજીકના સંબંધીઓ અને મિત્રોની હાજરીમાં ઇટલીમાં લગ્ન કર્યા હતા. આ અંગે વધુ વાંચો અહી

ટીમ ઇન્ડિયાના કપ્તાન વિરાટ કોહલીએ સોમવારે રાત્રે બોલિવૂડ અભિનેત્રી અનુષ્કા શર્મા સાથે લગ્નગ્રંથિથી જોડાયા હતા. આ બંનેએ નજીકના સંબંધીઓ અને મિત્રોની હાજરીમાં ઇટલીમાં લગ્ન કર્યા હતા. સોમવારે મોડી રાત્રે આ બંનેના લગ્નની અધિકૃત રીતે ઘોષણા કરવામાં આવી હતી. લગ્નમાં અનુષ્કા શર્માએ પિંક રંગનો વેડિંગ આઉટફિટ પહેર્યો હતો, દુલ્હન અનુષ્કા શર્મા ખૂબ સુંદર લાગી રહી હતી. વિરાટે ઑફ વ્હાઇટ રંગની શેરવાની પહેરી હતી. ટીમ ઇન્ડિયાના કપ્તાને પોતે ટ્વીટ કરી પોતાના ફેન્સને લગ્નની જાણકારી આપી હતી.

અનુષ્કાના થયા વિરાટ

વિરાટ અને અનુષ્કા શર્માએ ભારતીય પરંપરા અનુસાર સાત ફેરા લઇ લગ્ન કર્યા હતા. માત્ર ખૂબ નજીકના સંબંધીઓ અને મિત્રોની હાજરીમાં વિરાટ-અનુષ્કાના લગ્ન થયા હતા. આ પ્રસંગે ક્રિકેટના ભગવાન ગણાતા સચિન તેંડુલકર અને બોલિવૂડ કિંગ શાહરૂખ ખાન પણ લગ્નમાં હાજર રહ્યા હોવાની ખબર છે.

અનુષ્કાએ પણ કર્યું ટ્વીટ

લગ્ન બાદ અનુષ્કા શર્માએ પણ પોતાના લગ્નની તસવીર ટ્વીટર પર પોસ્ટ કરતાં લખ્યું હતું કે, આજે અમે એકબીજાને કાયમ માટે પ્રેમ બંધનમાં બંધાવાનો વાયદો કર્યો છે. વિરાટ કોહલીએ પણ ટ્વીટ કરતાં અનુષ્કા માટે પ્રેમભર્યો સંદેશ લખ્યો હતો અને ફેન્સનો આભાર માન્યો હતો. વિરાટે લખ્યું કે, આજે અમે બંને હંમેશા માટે પ્રેમના બંધનમાં બંધાયા છીએ. અમારા આ ખાસ પ્રસંગને વધુ ખાસ બનાવવા માટે મિત્રો અને પરિવારજનોનો આભાર.

દિલ્હી અને મુંબઇમાં રિસેપ્શન

વિરાટ અને અનુષ્કાના પ્રવક્તાએ લગ્ન અંગે જાણકારી આપતાં કહ્યું હતું કે, ઇટલીમાં એક પ્રાઇવેટ સેરેમનીમાં આ બંનેના લગ્ન થયા હતા. ત્યાર બાદ હવે દિલ્હી અને મુંબઇમાં રિસેપ્શનનું આયોજન કરવામાં આવ્યું છે. 21 ડિસેમ્બરના રોજ દિલ્હી અને 26 ડિસેમ્બરના રોજ મુંબઇમાં અન્ય મિત્રો, કૉર્પોરેટ ફ્રેન્ડ્સ અને ક્રિકેટર્સ માટે રિસેપ્શન રાખવામાં આવ્યું છે.

અહીં ફરવા જશે વિરાટ-અનુષ્કા

લગ્ન બાદ અનુષ્કા વિરાટ સાથે સાઉથ આફ્રિકાના પ્રવાસે જશે, જ્યાં વિરાટ પોતાની આગામી સીરિઝની તૈયારીઓ કરશે. વિરાટ સાથે ન્યૂ યર સેલિબ્રેટ કર્યા બાદ અનુષ્કા શર્મા પોતાની આગામી ફિલ્મની તૈયારીઓમાં વ્યસ્ત થઇ જશે. ઉલ્લેખનીય છે કે, વિરાટ અને અનુષ્કાની મુલાકાત વર્ષ 2013માં એક શેમ્પૂની એડ શૂટ દરમિયાન થઇ હતી, જે પછી બંને ધીરે-ધીરે નજીક આવ્યા અને એકબીજાને ડેટ કરવા લાગ્યા.

ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો

English summary

Anushka Sharma and Virat Kohli got married at a private ceremony in Italy, today. The wedding was attended by close family and a few friends as they wished their wedding to be a very private affair.