6 જૂનથી ફરી શરૂ થઈ જશે ક્રિકેટ, નવા નિયમો સાથે ઉતરશે ટીમ

Published: Sunday, May 17, 2020, 17:06 [IST]

દુનિયાભરમાં લાખો લોકને પોતાનો શિકાર બનાવી ચૂકેલ મહામારી કોરોના વાયરસને પગલે પાછલા કેટલાય સમયથી ક્રિકેટ ઠપ્પ પડ્યું છે. જો કે તમામ ક્રિકેટ બોર્ડ ગમે તેમ કરીને ક્રિકેને ફરીથી શરૂ કરવાની કોશિશ કરી રહ્યા છે. આ બધાની વચ્ચે ક્રિકેટ ફેન્સ માટે ગુડ ન્યૂજ છે. 6 જૂનથી ફરીથી ક્રિકેટ શરૂ થઈ શકે છે. ક્રિકેટ ઓસ્ટ્રેલિયા 6 જૂનથી ડાર્વિન એન્ડ ડિસ્ટ્રિક્ટ ક્રિકેટ ટૂર્નામેન્ટનું આયોજન કરી રહ્યું છે જે ટી20 ફોર્મેટમા રમાશે. જો કે આ પ્રતિયોગિતામાં ટીમો બદલાયેલા નિયમો સાથે મેદાનમાં ઉતરશે.

જે અંતર્ગત આ ટૂર્નામેન્ટમાં ખેલાડીઓને બોલ ચમકાવવા માટે કોઈપણ પ્રકારની લાર કે પરસેવાનો ઉપયોગ કરવા પર પ્રતિબંધ લગાવવામાં આવ્યો છે. તેની જગ્યાએ બોલને ચમકાવવા માટે ઉપયોગ કરાતા વિકલ્પો પર ડાર્વિન ક્રિકેટ મેનેજમેન્ટ ગ્રુપ વિચાર કરી રહ્યું છે. આ વિકલ્પોમાં અમ્પાયરની હાજરીમાં બોલ પર વેક્સની પોલિશ લગાવવી પણ સામેલ છે.

ઉલ્લેખનીય છે કે આ ટૂર્નામેન્ટમાં ભાગ લેતા પહેલા ક્લબોને સુરક્ષા આંકલન યોજના પૂરી કરવી પડશે અને તેને નોર્થર્ન ટેરિટરી સરકારને સોંપવું પડશે જે બાદ જ તેમને રમવાની મંજૂરી મળી શકશે.

ડીસીએમ અધ્યક્ષ લૈકલન બોર્ડે એબીસી ગ્રેન્ડસ્ટેન્ડને કહ્યું કે, 'આઈસીસી નવી રીતો શોધવા માટે દુનિયાભરના ક્રિકેટ એકમો સાથે મળી કામ કરી રહ્યું છે. અમને વિશ્વાસ છે કે ક્રિકેટ ઓસ્ટ્રેલિયા તરફથી સ્પષ્ટ દિશાનિર્દેશ મળશે કે શું કરવાની મંજૂરી હશે અને શું નહિ.'

Published On May 17, 2020