ભારતના આગામી લાંબા ગાળાના T20 કેપ્ટન જાહેર કરવા પર હાર્દિક પંડ્યાએ આપી પ્રતિક્રિયા
હાર્દિક પંડ્યાને આજ સુધી ભારતના આગામી વ્હાઇટ બોલ કેપ્ટન બનવા માટે સૌથી મોટા ઉમેદવાર તરીકે જોવામાં આવે છે. કેપ્ટનશિપને લઈને તેનામાં ઘણી પરિપક્વતા આવી છે અને તે લાર્જર ધેન લાઈફ ઈમેજને સારી રીતે હેન્ડલ કરવાનું પણ શીખ્યો છે.
હાર્દિક પંડ્યાને આજ સુધી ભારતના આગામી વ્હાઇટ બોલ કેપ્ટન બનવા માટે સૌથી મોટા ઉમેદવાર તરીકે જોવામાં આવે છે. કેપ્ટનશિપને લઈને તેનામાં ઘણી પરિપક્વતા આવી છે અને તે લાર્જર ધેન લાઈફ ઈમેજને સારી રીતે હેન્ડલ કરવાનું પણ શીખ્યો છે. ચોક્કસપણે, આ બાબતમાં તેના પર મહેન્દ્ર સિંહ ધોનીનો પ્રભાવ છે, જેઓ હાઈ પ્રોફાઈલ ઈમેજ ધરાવતા હોવા છતાં, પોતાના પગ સંપૂર્ણપણે જમીન પર રાખીને અને મેદાનની અંદર અને બહાર પોતાનું મન સંયમિત રાખીને પોતાનું કામ કરી રહ્યા છે.
કેપ્ટનની રેસમાં પંત - રાહુલથી આગળ છે પાંડ્યા
હાર્દિક હવે આગામી કેપ્ટનની રેસમાં રીષભ પંત અને કેએલ રાહુલ જેવા ખેલાડીઓથી આગળ ઊભો છે. માત્ર તેની ફિટનેસ યોગ્ય હોવી જોઈએ કારણ કે બોલિંગ એક એવો વિભાગ છે જે તેના દુખતી નસ રહ્યું છે. હાર્દિકે ન્યૂઝીલેન્ડ પ્રવાસ પર ટી-20 સિરીઝમાં બોલિંગ પણ કરી ન હતી. જોકે તેણે કારણ આપ્યું હતું કે તે અન્ય વિકલ્પો જોઈ રહ્યો છે પરંતુ બોલિંગ ઓલરાઉન્ડરે કરવી પડશે અને જો તે સતત નહીં થાય તો તેની ફિટનેસ પર સવાલો ઉભા થશે. કદાચ હવે બોલિંગ એક એવી વાસ્તવિકતા છે જેના માટે હાર્દિકે તેની બાકીની કારકિર્દીમાં પગલાં ભરવા પડશે.
કોઇ બોલી રહ્યું છે તો...
સુનિલ ગાવસ્કર અને રવિ શાસ્ત્રી જેવા નિષ્ણાતોએ હાર્દિકને ભારતના આગામી લાંબા ગાળાના કેપ્ટનનો વિકલ્પ ગણાવ્યો હતો. હાર્દિકે મેચ પછીની કોન્ફરન્સમાં જવાબ આપતા કહ્યું, "કોઈ અગર બોલ રહા હૈ તો અચ્છા હોતા હોતા હૈ પરંતુ સત્તાવાર રીતે જો કંઈ ન થાય ત્યાં સુધી તમે આ કહી શકતા નથી. સાચું કહું તો મારી વસ્તુઓ સરળ છે, હું જે રીતે રમત જોઉં છું તે રીતે ટીમનું નેતૃત્વ કરું છું. જ્યારે પણ મને તક મળશે, હું મારી બ્રાન્ડની ક્રિકેટ રમીશ જે હું જાણું છું. જ્યાં સુધી ભવિષ્યમાં કેપ્ટનસી મેળવવાનો સવાલ છે, અમે જોઈશું કે શું થાય છે.
બધાને મોકો મળશે
જોકે સંજુ સેમસન અને ઉમરાન મલિકને ન રમાડવા બદલ હાર્દિકની ટીકા થઈ હતી, પરંતુ તે માને છે કે હવે પૂરતો સમય બાકી છે જેમાં દરેકને લાંબી તક મળશે. તેણે કહ્યું કે જો ન્યુઝીલેન્ડ સામે ત્રણથી વધુ મેચોની સીરીઝ હોત તો તે આ ખેલાડીઓને પણ તક આપત. તેઓ ટૂંકી શ્રેણીમાં ફેરફાર કરવામાં વધારે માનતા નથી.
અનલકી છે સંજુ સેમસન
હાર્દિક સમજે છે કે લોકોને બેન્ચ પર બેસવાનું પસંદ નથી અને આવા ખેલાડીઓ સાથે ખુલીને વાતચીત કરવી જરૂરી છે. હાર્દિકે કહ્યું ખેલાડીઓની અસુરક્ષાને સંભાળવી એટલી મુશ્કેલ નથી. મને તેની સાથે કોઈ અંગત સમસ્યા નથી પરંતુ તે સંયોજનની રમત છે જેમાં હું તેને રમાડી શકતો નથી. તેમ છતાં, જો કોઈને લાગે છે, તો મારા દરવાજા હંમેશા વાતચીત માટે ખુલ્લા છે. સંજુ સેમસન એક દુર્ભાગ્યપૂર્ણ કેસ છે. અમારે તેમને રમાડવા હતા પરંતુ કેટલાક વ્યૂહાત્મક નિર્ણયોને કારણે તે શક્ય બન્યું ન હતું.
Click it and Unblock the Notifications
Sign in with Google
