IND vs AUS: પુકોવસ્કી, લાબુશ્ચગનેની ફીફ્ટી, પહેલા દિવસે ઓસ્ટ્રેલિયાનો સ્કોર 166/2

ભારત અને ઓસ્ટ્રેલિયા વચ્ચે ટેસ્ટ સીરીઝ માટે જેવી રીતે પ્રતિદ્વંદ્વતાનો અંદાજો લગાવવામાં આવી રહ્યો હતો તેવું જ જોવા મળી રહ્યું છે. એડિલેડમાં પહેલી ટેસ્ટ ખરાબ રીતે હાર્યા બાદ ભારતે મેલબોર્નમાં જબરદસ્ત વાપસી કરી. હવે જ્યારે સીરીઝ 1-1થી બરાબર થઈ ગઈ છે તો કંગારૂ ટીમે સિડની ટેસ્ટમાં વાપસી કરી લીધી છે.

પાછલી બે મેચની સરખામણીએ સિડની ક્રિકેટ ગ્રાઉન્ડની પિચ ઘણી સહેલી અને બેટિંગમાં ફાયદો આપી રહી છે જેનો પૂરો ફાયદો ઉઠાવતાં કંગારુ ટીમ સારો સ્કોર ખડકતી જોવા મળી રહી છે. પહેલા દિવસે માર્નસ લાબુશ્ચાગનેએ દમદાર ફીફ્ટીના દમ પર ઓસ્ટ્રેલિયાએ પહેલા દિવસે 2 વિકેટના નુકસાન પર 166 રન બનાવી લીધા છે.

ઓસ્ટ્રેલિયાએ ટોસ જીતી પહેલાં બેટિંગ કરતાં ખરાબ શરૂઆત કરી હતી કેમ કે ડેવિડ વોર્નર માત્ર 5 રને જ પેવેલિયન ભેગા થઈ ગયા હતા. મોહમ્મદ સિરાજના બોલ પર ડેવિડ વોર્નરની વિકેટ ખરી ગઈ હતી. જે બાદ વરસાદને પગલે થોડીવાર માટે રમત રોકવી પડી. જો કે સારી બાબત એ છે કે બાદમાં મોસમ સાફ થયું.

પરંતુ અહીંથી જ કંગારુએ ઈનિંગમાં પકડ બનાવી. પુકોવસ્કી અને માર્નસ લાબુશ્ચગનેએ સારી પાર્ટનરશિપ સ્થાપિત કરી. આ દરમ્યાન રિષભ પંતે બે કેચ છોડ્યા. બાદમાં મળેલા બે જીવનદાનનો પૂરો લાભ ઉઠાવે પુકોવસ્કીએ પોતાના ડેબ્યૂ મેચમાં જ ફીફ્ટી ફટકારી. ત્યાં સુધીમાં લાબુશેન પણ રંગમાં આવી ચૂક્યા હતા.

English summary

IND vs AUS: Pukowski, labuschagne's fifty, Australia scores 166/2 on the first day