IND vs NEP, Asian Games 2023 : ક્વાર્ટર ફાઈનલમાં નેપાળની હાર, ભારતની સેમિફાઈનલ એન્ટ્રી
IND vs NEP, Asian Games 2023: એશિયન ગેમ્સ 2023ની ક્રિકેટ ઈવેન્ટમાં ભારતે નેપાળને 23 રને હરાવીને સેમીફાઈનલમાં જગ્યા બનાવી લીધી છે. પ્રથમ બેટિંગ કરતા ભારતે 202 રન બનાવ્યા હતા. ટીમ ઈન્ડિયા તરફથી યશસ્વી જયસ્વાલે 100 રન બનાવ્યા હતા.
આ મેચમાં રિંકુ સિંહે વિસ્ફોટક બેટિંગ કરી હતી. રિંકુ સિંહે માત્ર 15 બોલમાં 37 રન બનાવ્યા હતા. ઋતુરાજ ગાયકવાડ અને શિવમ દુબેએ 25-25 રનનું યોગદાન આપ્યું હતું. નેપાળની ટીમ 20 ઓવરમાં 179 રન જ બનાવી શકી હતી.
એશિયન ગેમ્સ 2023માં ભારતે નેપાળને 23 રને હરાવ્યું હતું. આ મેચમાં જિતેશ શર્મા અને આ સાઈ કિશોરે ભારત માટે ટી20માં ડેબ્યૂ કર્યું હતું. આ બંને ખેલાડીઓ IPLમાં શાનદાર રમ્યા હતા, જેના માટે તેમને એશિયન ગેમ્સ 2023માં સ્થાન મળ્યું હતું.
એશિયન ગેમ્સ 2023માં નેપાળ સામેની મેચમાં યશસ્વી જયસ્વાલે શાનદાર બેટિંગ કરી હતી. તેણે માત્ર 48 બોલમાં સદી ફટકારી હતી. તે T20Iમાં સંયુક્ત સૌથી ઝડપી સદી ફટકારનાર ભારતનો ચોથો બેટ્સમેન બન્યો છે.
યશસ્વી જયસ્વાલે સૂર્યકુમાર યાદવની બરાબરી કરી લીધી છે. સૂર્યાએ T20Iમાં પણ 48 બોલમાં સદી ફટકારી હતી. ભારત માટે T20Iમાં સૌથી ઝડપી સદી ફટકારવાનો રેકોર્ડ રોહિત શર્માના નામે છે. તેણે આ કારનામું 35 બોલમાં કર્યું હતું.
એશિયન ગેમ્સ 2023માં નેપાળ સામેની મેચમાં યશસ્વી જયસ્વાલે 48 બોલમાં 100 રન બનાવ્યા હતા. તે ભારત માટે T20 ઈન્ટરનેશનલમાં સદી ફટકારનારો સૌથી યુવા બેટ્સમેન છે. તેણે 21 વર્ષ 279 દિવસની ઉંમરે સદી ફટકારી છે. જયસ્વાલે શુભમન ગિલનો રેકોર્ડ તોડ્યો છે. ગિલે 23 વર્ષ અને 146 દિવસની ઉંમરમાં સદી ફટકારી હતી.
Click it and Unblock the Notifications
Sign in with Google
