IND vs WI: વર્લ્ડકપ ટીમથી તપાઇ જશે શૂભમન ગિલનુ પત્તુ? આકાશ ચોપડાએ આપ્યો જવાબ
ભારતીય ઓપનર શુભમન ગિલ વેસ્ટ ઈન્ડિઝ સામે સતત ફ્લોપ થઈ રહ્યો છે. પ્રથમ ત્રણ ટી20 મેચમાં ગિલે ચાહકોના દિલ તોડવાનું કામ કર્યું હતું. તે બેટિંગથી ટીમને સારી શરૂઆત અપાવવામાં નિષ્ફળ રહ્યો હતો.
શુભમન ગિલના ખરાબ પ્રદર્શન બાદ ટીમમાં તેની હાજરી પર પણ સવાલો ઉઠી રહ્યા છે. વર્લ્ડ કપ અને એશિયા કપની ટીમમાં ગિલનો સમાવેશ લગભગ નિશ્ચિત છે.
પૂર્વ ક્રિકેટર આકાશ ચોપરાએ શુભમન ગિલને લઈને મોટું નિવેદન આપ્યું છે. શુભમન ગિલ વેસ્ટ ઈન્ડિઝ સામેની T20I શ્રેણી દરમિયાન અત્યાર સુધી ત્રણ મેચમાં માત્ર 16 રન જ બનાવી શક્યો છે.
શુભમન ગિલે IPL 2023માં ઘણી શાનદાર ઇનિંગ્સ રમી હતી, પરંતુ તે ભારત માટે T20 શ્રેણીમાં તેને દોહરાવવામાં નિષ્ફળ રહ્યો હતો.
તેની યુટ્યુબ ચેનલ પર શેર કરાયેલા એક વીડિયોમાં આકાશ ચોપરાને પૂછવામાં આવ્યું હતું કે શું ગિલનું ખરાબ ફોર્મ ચાલુ રહેશે તો વર્લ્ડ કપની ટીમમાં તેનું સ્થાન જોખમમાં છે. આના પર આકાશ ચોપડાએ કહ્યું કે ભગવાન ના કરે, જો તે સ્કોર નહીં કરે તો ચોક્કસપણે થોડી સમસ્યા થશે.
તમને જણાવી દઇએ કે શૂભમન ગિલને વર્લ્ડ કપની ટીમમાંથી બહાર નહીં કરી શકો. વર્લ્ડ કપ 5મી ઓક્ટોબરથી શરૂ થશે અને તમારે ઓછામાં ઓછા એક મહિના પહેલા તમારી ટીમની જાહેરાત કરવાની જરૂર છે.
આકાશ ચોપરાનું માનવું છે કે રોહિત શર્મા એન્ડ કંપની એ સુનિશ્ચિત કરવા માટે કોઈ કસર છોડશે નહીં કે તે યુવાન તેનું ફોર્મ પાછું મેળવે. તેણે કહ્યું કે શુભમન ગિલ એશિયા કપ ટીમનો ભાગ બનવા જઈ રહ્યો છે.
જો તે રન બનાવતો નથી અને તેનું ફોર્મ ખરાબ છે, તો તમે તેને ઓસ્ટ્રેલિયાની વનડેમાં રમો અને તેને ફરીથી ફોર્મમાં લાવવા માટે શ્રેષ્ઠ પ્રયાસ કરો.
Click it and Unblock the Notifications
Sign in with Google
