IND vs AUS : ભારત-ઓસ્ટ્રેલિયા વચ્ચે આજે બીજો T20 મુકાબલો, જાણો કઈ ટીમનું પલ્લુ ભારે?

ભારત અને ઓસ્ટ્રેલિયા વચ્ચેની પાંચ મેચની T20 શ્રેણીનો બીજો મુકાબલો આજે મેલબોર્ન ક્રિકેટ ગ્રાઉન્ડ (MCG) ખાતે રમાશે. કેનબેરામાં પહેલી T20 મેચ વરસાદને કારણે રદ થયા બાદ બંને ટીમો આ મહત્વપૂર્ણ મેચ માટે સંપૂર્ણપણે તૈયાર છે. ચાહકોની નજર આ મેચ પર ટકેલી છે.

પહેલી T20 માં ભારતીય બેટ્સમેનોએ શાનદાર પ્રદર્શન કર્યું હતું. ભારતે 9.4 ઓવરમાં 97/1 નો મજબૂત સ્કોર બનાવ્યો હતો, પરંતુ ભારે વરસાદને કારણે મેચ રદ કરવી પડી. આ દરમિયાન, કેપ્ટન સૂર્યકુમાર યાદવે (24 બોલમાં 39 રન) પોતાની જૂની લયની ઝલક દેખાડી હતી, જ્યારે વાઇસ-કેપ્ટન શુભમન ગિલ પણ 37 રન બનાવીને સારી ફોર્મમાં જોવા મળ્યા હતા. અભિષેક શર્માએ પણ શરૂઆતની ઓવરોમાં કેટલાક જોરદાર શોટ્સ ફટકાર્યા હતા.

ફરી એકવાર ખેલાડીઓ અને ચાહકો માટે હવામાન ચિંતાનો વિષય બન્યું છે. હવામાન વિભાગના જણાવ્યા અનુસાર, શુક્રવારે 31 ઓક્ટોબરે, મેલબોર્નમાં દિવસભર વરસાદ અને ગાજવીજ સાથે છાંટા પડવાની શક્યતા છે. મેચના નિર્ધારિત સમયે એટલે કે બપોરે પણ 71% વરસાદની સંભાવના છે. આકાશમાં 99% વાદળો છવાયેલા રહેશે, જે મેચનો રોમાંચ ઘટાડી શકે છે. ચાહકો આશા રાખી રહ્યા છે કે વરસાદ બંધ થાય અને તેમને સંપૂર્ણ મેચ જોવા મળે.

મેચ પહેલા પિચ રિપોર્ટ વિશે જાણીએ. MCG આ સિઝનની પોતાની પહેલી મેચનું આયોજન કરી રહ્યું છે. આ મેદાન તેની વિશાળ બાઉન્ડ્રી અને બોલરોને થોડી મદદ કરવા માટે જાણીતું છે. સામાન્ય રીતે T20 મેચોમાં બેટ્સમેનોનું વર્ચસ્વ હોય છે, પરંતુ MCG નું મોટું કદ બોલરોને થોડી રાહત આપે છે.

જો કે, ઓસ્ટ્રેલિયન ઝડપી બોલર નાથન એલિસે તાજેતરમાં જણાવ્યું હતું કે બિગ બેશ લીગની મેચોમાં અહીં મોટા સ્કોર બન્યા છે, જે દર્શાવે છે કે બેટ્સમેનોને પણ ફાયદો મળી શકે છે.

English summary

The second T20 match between India and Australia will take place at the Melbourne Cricket Ground. Following a rainout in the first match, both teams are prepared. Weather forecasts suggest potential rain, which may impact the match. Key players have shown strong performances.