IPL 2020: આ વખતે 5 દિવસ ડબલ મેચ અને કન્કશન સબ્સ્ટીટ્યૂટ ઉમેરાશે, શું છે કન્કશન સબ્સ્ટીટ્યૂટ?

આઈપીએલ શરૂ થઈ ત્યારથી લઈને અત્યાર સુધી સતત સુધારા-વધારા થતા આવ્યા છે. આ વખતે કેટલાક નવા આકર્ષણો ઉમેરાયા છે.

Updated: Thursday, February 6, 2020, 15:38 [IST]

આઈપીએલ શરૂ થઈ ત્યારથી લઈને અત્યાર સુધી સતત સુધારા-વધારા થતા આવ્યા છે. આ વખતે કેટલાક નવા આકર્ષણો ઉમેરાયા છે. આ વખતે કન્કશન સબ્સ્ટીટ્યૂટનો ઉપયોગ કરવામાં આવશે. બીસીસીઆઈ અધ્યક્ષ સૌરવ ગાંગુલીએ આ મુદ્દે જાણકારી આપી છે. આઈસીસીની નિયમ મુજબ કોઈ ખેલાડી ઈજાગ્રસ્ત થાય તો તેની જગ્યાએ બીજો કોઈ ખેલાડી મેંચમાં આવી શકે તેને કન્કશન સબ્સ્ટીટ્યૂટ તરીકે ઓળખવામાં આવે છે. આઈપીએલમાં વિશ્વના સર્વશ્રેષ્ઠ ખેલાડીઓની એક ઓલ સ્ટાર મેચ પણ રમાશે. આ એક ચેરિટી મેચ હશે.

ગાંગુલીએ જણાવ્યુ છે કે કન્કશન સબ્સ્ટીટ્યૂટ અને ઓલ સ્ટાર મેચની શરૂઆત કરવા જઈ રહ્યા છે. આઈપીએલની ફાઈનલ મુંબઈમાં રમાશે. આ ઉપરાંત ગાંગુલીએ જણાવ્યું કે આ વખતે 5 ડબલ હેડર એટલે કે એક દિવસની 2 મેચ રમાશે. આ દિવસોમાં પહેલી મેચ 4 વાગે અને બીજી મેચ 8 વાગે શરૂ થશે. આઈપીએલની 28 માર્ચે શરૂઆત થશે અને 24 મે એ પુર્ણાહુતિ થશે.

ક્રિકેટ સલાહકાર સમિતિ મુદ્દે ગાંગુલીએ જણાવ્યું કે બીસીસીઆઈ સચિવ જય શાહ જલ્દી અધિકારીક જાહેરાત કરશે. આ સમિતિ બહુ જલ્દી બનાવવામાં આવશે. સુલક્ષણા નાઈક ઓર મદનલાલ એમાં છે. ગૌતમ ગંભીર નથી. હાર્દિક પંડ્યા વિશે પુછતા ગાંગુલીએ જણાવ્યુ કે હાર્કિક પંડ્યા હજુ ફીટ નથી, તેનો ઈલાજ થઈ રહ્યો છે. તેને ઠીક થતા સમય લાગશે.આ ઉપરાંત ગાંગુલીએ જણાવ્યું કે બીસીસીઆઈ ન્યૂટ્રીશનિસ્ટ અને બાયોમેક્નિકલ કોંચની ભરતી માટે જાહેરાત બહાર પાડશે.