IPL 2026 Tickets: આઈપીએલની ટીકીટ કઈ રીતે કરી શકશો બુક, જાણો કિંમતથી લઈ તમામ જાણકારી
IPL 2026 Tickets: આઈપીએલ 2026ના રોમાંચના સાક્ષી બનવા માટે ચાહકો આતુરતાથી ટિકિટની રાહ જોઈ રહ્યા છે. આ વખતે ટિકિટોનું વેચાણ સંપૂર્ણપણે ઓનલાઇન અને ડિજિટલ પ્લેટફોર્મ દ્વારા કરવામાં આવશે. બીસીસીઆઈ (BCCI) અને આઈપીએલ મેનેજમેન્ટે ટિકિટોના સરળ વેચાણ માટે BookMyShow, Paytm Insider અને કેટલાક કિસ્સાઓમાં ફ્રેન્ચાઇઝીની સત્તાવાર વેબસાઇટ્સ સાથે ભાગીદારી કરી છે.
ટિકિટોની શરૂઆતી કિંમત ₹500 થી લઈને VIP બોક્સ માટે ₹20,000 કે તેથી વધુ હોઈ શકે છે. ટિકિટ બુકિંગની પ્રક્રિયા સામાન્ય રીતે ટુર્નામેન્ટ શરૂ થવાના બે અઠવાડિયા પહેલા શરૂ થાય છે. ચાહકોને સલાહ આપવામાં આવે છે કે તેઓ તેમના મનપસંદ સ્ટેડિયમની ટિકિટ માટે પ્લેટફોર્મ પર 'અર્લી એક્સેસ' અથવા નોટિફિકેશન ઓન કરી લે, કારણ કે લોકપ્રિય મેચો (જેમ કે મુંબઈ ઈન્ડિયન્સ વિરુદ્ધ CSK અથવા KKRની મેચ) ની ટિકિટો મિનિટોમાં વેચાઈ જાય છે.
ટિકિટ ખરીદવા માટે તમારે સત્તાવાર પોર્ટલ પર જઈને તમારું શહેર અને મેચ પસંદ કરવાની રહેશે, ત્યારબાદ તમે તમારી પસંદગીના સ્ટેન્ડ અને સીટ પસંદ કરી ઓનલાઇન પેમેન્ટ કરી શકો છો.
સુરક્ષાના દૃષ્ટિકોણથી આ વખતે પણ મોટાભાગના સ્ટેડિયમોમાં ડિજિટલ QR કોડવાળી ટિકિટો જ માન્ય રહેશે, જોકે કેટલાક શહેરોમાં હજુ પણ ફિઝિકલ ટિકિટોની હોમ ડિલિવરી અથવા સ્ટેડિયમ કાઉન્ટર પરથી કલેક્શનની સુવિધા આપવામાં આવી શકે છે. ટિકિટ બુક કરતી વખતે તમારી ઈમેલ આઈડી અને ફોન નંબર સાચો ભરો જેથી બુકિંગ કન્ફર્મેશન અને ગેટ એન્ટ્રીની માહિતી તમારા સુધી સરળતાથી પહોંચી શકે.
IPL 2026 ટિકિટ બુકિંગ માટેની મુખ્ય બાબતો
- હંમેશા સત્તાવાર પાર્ટનર (BookMyShow/Paytm) પાસેથી જ ટિકિટ ખરીદો, બ્લેકમાં ટિકિટ ખરીદવાનું ટાળો.
- મેચના ઓછામાં ઓછા 10 દિવસ પહેલા પોર્ટલ ચેક કરવાનું શરૂ કરી દો.
- મોટી મેચો માટે ઇન્ટરનેટની સ્પીડ સારી રાખો કારણ કે ટ્રાફિક ખૂબ વધારે હોય છે.
- તમારી ડિજિટલ ટિકિટનો સ્ક્રીનશોટ અથવા પ્રિન્ટઆઉટ સાથે રાખો જેથી સ્ટેડિયમમાં પ્રવેશતી વખતે કોઈ મુશ્કેલી ન પડે.
Click it and Unblock the Notifications
Sign in with Google
