ન્યૂઝીલેન્ડ પ્રવાસ પહેલા ભારતીય ટીમને લાગ્યો ઝાટકો, મુખ્ય બોલર ઘાયલ થયો

નવી દિલ્હીઃ ઓસ્ટ્રેલિયાને ત્રણ વનડે મેચની સીરિઝમાં માત આપ્યા બાદ હવે ભારતીય ટીમ ન્યૂઝીલેન્ડ પ્રવાસ પર જશે. જ્યાં ટીમ વનડે, ટી20 સીરિઝ અને 2 ટેસ્ટ મેચની સીરિઝ પણ રમાશે. પરંતુ પ્રવાસ પર જતા પહેલા ભારતીય ટીમને ઝાટકો લાગ્યો છે. જેના તેજ બોલર્સ ઈશાંત શર્મા સોમવારે અહીં રણજી ટ્રોફીમાં ઘાયલ થઈ ગયો છે. ઈશાંત શર્મા ટેસ્ટનો મુખ્ય બોલર છે પરંતુ ન્યૂઝીલેન્ડ પ્રવાસ માટે ટેસ્ટ ટીમનું એલાન થતા પહેલા ઈશાંતનું ઘાયલ થવું ચિંતાનો વિષય બની ગયો છે.

ઈશાંત ઘાયલ થયો

ઈશાંત દિલ્હી તરફથી રમતા વિદર્ભ વિરુદ્ધ બોલિંગ કરતી વખતે ઘાયલ થઈ ગયો છે.વિદર્ભની બીજી ઈનિંગની પાંચમી અને ઈશાંતની ત્રીજી ઈનિંગમાં ઘાયલ થયો. આ એક સ્મોલ ડિલિવરી હતી, જેને પ્રતિદ્વંદ્વી કેપ્ટન ફૈઝ ફઝલે રોકવાની કોશિશ કરી. પરંતુ બીજી તરફ ફોલોથ્રૂમાં ઈશાંત લપસી ગયો. પછી તેમણે સપોર્ટ સ્ટાફની મદદથી મેદાનથી બહાર કરી દીધો. ઈશાંતની ઈજા કેટલી ગંભીર છે તેની જાણકારી હજી મળી નથી પરંતુ તે મેદાન પર દર્દથી કણસતો જરૂર દેખાયો. ઈશાંતે વિદર્ભની પહેલી ઈનિંગમાં 45 રન આપી ત્રણ વિકેટ ખેરવી હતી.

પાછલું વર્ષ ઘણું શાનદાર રહ્યું

ઈશાંત શર્મા ન્યૂઝીલેન્ડ પ્રવાસના મહત્વના બોલર સાબિત થઈ શકે છે. પરંતુ તેમની ઈજા કેટલી ગંભીર છે તે જોવાનું છે. ભારત ન્યૂઝીલેન્ડ વિરુદ્ધ પહેલી ટેસ્ટ મેચ 21 ફેબ્રુઆરીએ જ્યારે બીજી 29 ફેબ્રુઆરીએ રમશે. જણાવી દઈએ કે ઈશાંત માટે પાછલું વર્ષ ઘણું શાનદાર રહ્યું હતું. ઈશાંત વર્ષ 2019 ટેસ્ટમાં સૌથી વધુ વિકેટ લેનાર બીજા ભારતીય બોલર રહ્યા. ઈશાંતે આ વર્ષે કુલ 6 ટેસ્ટ મેચ રમી, જે દરમિયાન તેમણે 25 વિકેટ પોતાના નામે કરી.

રન આપવામાં કંજૂસી

ઈશાંત શર્મા પણ શમીની જેમ કંજૂસીમાં રન આપવા માટે સફળ રહ્યા. ઈશાંતે 6 મેચમાં કુલ 135.4 ઓર ફેંકી, જેમાં તેમણે 15.56ના બહુ ઓછા એવરેજથી 389 રન આપ્યા. જેમાં તેના 34 ઓવર પણ મિડેન રહી. ઈશાંતની એક ઈનિંગમાં બેસ્ટ પ્રદર્શન 22 રન આપી 5 વિકેટ રહ્યું. તેમણે બાંગ્લાદેશ વિરુદ્ધ 22 નવેમ્બર થયેલ ડે-નાઈટ મેચ દરમિયાન પહેલી ઈનિંગમાં આ પ્રદર્શન કર્યું હતું.