Ravindra jadeja controversy : જાડેજા વિવાદ અંગે ભારતીય ટીમે કરી સ્પષ્ટતા

Ravindra jadeja controversy : ભારતીય ઓલરાઉન્ડર રવિન્દ્ર જાડેજાએ નાગપુર ટેસ્ટના પહેલા દિવસે મોહમ્મદ સિરાજના હાથ પર ક્રીમ લગાવી હતી. ઓસ્ટ્રેલિયન મીડિયાએ તેને બોલ ટેમ્પરિંગ ગણાવ્યું હતું.

Ravindra jadeja controversy : ભારતીય ટીમના ઓલરાઉન્ડર રવિન્દ્ર જાડેજાએ નાગપુરમાં રમાનારી ટેસ્ટનો એક વીડિયો વાયરલ થઇ રહ્યો છે. આ વીડિયોમાં જોવા મળી રહ્યું છે કે, રવિન્દ્ર જાડેજાએ મોહમ્મદ સિરાઝના હાથમાંથી ક્રિમ લઇને આંગળી પર લગાવી હતી. ભારતીય ટીમ મેનેજમેન્ટ દ્વારા આઇસીસી મેચ રેફરી એન્ડી પાયક્રાફ્ટને આ મામલે સ્પષ્ટતા કરવામાં આવી છે.

ભારતે અહેવાલ આપ્યો હતો કે, રવિન્દ્ર જાડેજાએ તેના બોલિંગ હાથ પર પેઇન રિલિફ ક્રીમ લગાવી હતી. આ ઘટના ત્યારે બની જ્યારે ઓસ્ટ્રેલિયાની અડધી ટીમ પેવેલિયન પરત ફરી ગઇ હતી. જેમાંથી જાડેજાએ માર્નસ લાબુશેન (49), સ્ટીવ સ્મિથ (37) અને મેટ રેનશોને પોતાનો શિકાર બનાવ્યો હતો. ESPNcricinfo ના એક અહેવાલ અનુસાર, રવિન્દ્ર જાડેજા ભારતીય કેપ્ટન રોહિત શર્મા અને ટીમ મેનેજરને નાગપુરમાં પ્રથમ દિવસની રમત બાદ વાયરલ વીડિયો ક્લિપ બતાવવામાં આવી હતી.

અહેવાલ મુજબ, પાયક્રાફ્ટ ભારતીય ટીમને આ ઘટના વિશે જાણ કરવા માંગતો હતો. રવિન્દ્ર જાડેજાને બોલાચાલી માટે દંડ ફટકારવામાં આવ્યો ન હતો. એવું પણ જાણવા મળ્યું છે કે, ઓસ્ટ્રેલિયન ટીમે આ મામલે કોઈ ફરિયાદ નોંધાવી નથી.

ઓસ્ટ્રેલિયન મીડિયાએ આ વીડિયો સામે વાંધો ઉઠાવ્યો હતો અને તેને બોલ ટેમ્પરિંગ ગણાવ્યું હતું, પરંતુ ભારતીય ટીમ મેનેજમેન્ટ દ્વારા આ અંગે સ્પષ્ટતા આપીને મામલો થાળે પાડવામાં આવ્યો છે. રવિન્દ્ર જાડેજાએ આંતરરાષ્ટ્રીય ક્રિકેટમાં જોરદાર વાપસી કરી હતી. તેમણે ઓસ્ટ્રેલિયાની પ્રથમ ઇનિંગમાં પાંચ વિકેટ ઝડપીને ભારતીય ટીમને જીત તરફ આગળ વધારી હતી.

રવિન્દ્ર જાડેજાએ માર્નસ લાબુશેન (49), સ્ટીવ સ્મિથ (37), મેટ રેનશો, પીટર હેન્ડ્સકોમ્બ (31) અને ટોડ મર્ફીને પોતાનો શિકાર બનાવ્યો હતો. જાડેજાને અનુભવી રવિચંદ્રન અશ્વિને સારો સાથ આપ્યો હતો, જેણે ત્રણ વિકેટ લીધી હતી. ઓસ્ટ્રેલિયન બેટ્સમેનો ભારતીય સ્પિનર્સ સામે ઝઝૂમ્યા હતા અને સમગ્ર ટીમ પ્રથમ દાવમાં 63.5 ઓવરમાં 177 રનમાં ઓલઆઉટ થઈ ગઈ હતી. જેના જવાબમાં ભારતીય ટીમે શાનદાર શરૂઆત કરી અને જોરદાર લીડ લઈને જલ્દી જ મેચને પોતાના પક્ષમાં લેવા માંગે છે.

English summary

Ravindra jadeja controversy : The Indian team clarified about the Jadeja controversy