ઑસ્ટ્રેલિયા-સાઉથ આફ્રિકાની મેચ વરસાદમાં ધોવાઈ ગઈ તો ફાઈનલમાં કોની સાથે થશે ભારતનો મુકાબલો?

SA vs AUS, Kolkata Weather Forecast: આઈસીસી ઓડીઆઈ વર્લ્ડ કપ 2023ની બીજી સેમિફાઇનલમાં ઑસ્ટ્રેલિયા અને દક્ષિણ આફ્રિકા આમને સામને થશે. બે મોટી ટીમો વચ્ચેની આ નૉકઆઉટ મેચ આજે એટલે કે 16 નવેમ્બરે કોલકાત્તાના ઈડન ગાર્ડન્સ ખાતે રમાશે. જો કે આ હાઈ-વોલ્ટેજ મેચમાં વરસાદની સંભાવનાએ ચાહકો અને ખેલાડીઓને ચિંતામાં મૂકી દીધા છે.

સારી વાત એ છે કે ઇન્ટરનેશનલ ક્રિકેટ કાઉન્સિલ (ICC)એ નૉકઆઉટ મેચો માટે રિઝર્વ ડે રાખ્યો છે. જો ગુરુવારે દક્ષિણ આફ્રિકા અને ઑસ્ટ્રેલિયા વચ્ચેની મેચ વરસાદને કારણે રદ્દ કરવામાં આવશે તો બીજા દિવસે ફરીથી રમત શરૂ થશે.

Weather.comના જણાવ્યા અનુસાર, સમગ્ર કોલકાતામાં વરસાદની 50 ટકા સંભાવના છે. જો આમ થશે તો દક્ષિણ આફ્રિકા ફાઈનલમાં પહોંચી જશે, કારણ કે તે પોઈન્ટ ટેબલમાં ઑસ્ટ્રેલિયાથી આગળ હતું. દક્ષિણ આફ્રિકાને લીગ તબક્કા દરમિયાન 9 મેચમાં માત્ર બે હારનો સામનો કરવો પડ્યો હતો.

નેધરલેન્ડ અને ભારત એકમાત્ર એવી ટીમ હતી જેણે પ્રોટીયાઝથી વધુ સારું પ્રદર્શન કર્યું હતું. દક્ષિણ આફ્રિકાએ અફઘાનિસ્તાન સામે 5 વિકેટથી જીત મેળવીને નૉકઆઉટ તબક્કામાં પ્રવેશ કર્યો છે. દક્ષિણ આફ્રિકા માટે રાસી વેન ડેર ડુસેને શાનદાર પ્રદર્શન કર્યું હતું અને 245 રનના લક્ષ્યને ચેઝ કરતી વખતે મધ્યમ ક્રમના બેટ્સમેને અણનમ 76 રન બનાવ્યા હતા.

ઑસ્ટ્રેલિયાએ તેમના અભિયાનની નિરાશાજનક શરૂઆત કરી હતી અને પ્રથમ બે મેચમાં ભારત અને દક્ષિણ આફ્રિકા સામે હારનો સામનો કરવો પડ્યો હતો. પરંતુ પાંચ વખતની ચેમ્પિયન ટીમે આગામી મેચોમાં જોરદાર વાપસી કરી હતી. તેઓએ બાકીની તમામ મેચો જીતી અને પોઈન્ટ ટેબલમાં ત્રીજું સ્થાન મેળવ્યું.

ઈડન ગાર્ડન્સ પિચ રિપોર્ટ

ઈડન ગાર્ડન્સની વિકેટ બેટ્સમેનોની ફેવર માટે જાણીતી છે, પરંતુ આ ટુર્નામેન્ટ દરમિયાન સ્પિનરોએ મુખ્ય ભૂમિકા ભજવી છે. બંને ટીમો પાસે સ્ટાર બેટિંગ યુનિટ છે, જેઓ આજે તેમને ફાઇનલમાં લઈ જવા માટે બેટથી અજાયબીઓ કરતા જોવા મળશે.

કોલકત્તામાં આજે હવામાન કેવુ રહેશે?

16મી નવેમ્બરે કોલકાતામાં વાદળછાયું વાતાવરણ રહેવાની શક્યતા છે. શહેરમાં વરસાદની સંભાવના છે. દક્ષિણ આફ્રિકા અને ઑસ્ટ્રેલિયા વચ્ચેની વર્લ્ડ કપ સેમિફાઇનલમાં ખરાબ હવામાનને કારણે કેટલાક વિક્ષેપો જોવા મળી શકે છે. તાપમાન 23 ડિગ્રી સેલ્સિયસથી 28 ડિગ્રી સેલ્સિયસની આસપાસ રહેવાની ધારણા છે, જ્યારે ભેજ 71-90 ટકા આસપાસ રહેવાની ધારણા છે. પવનની ઝડપ 10-15 કિમી પ્રતિ કલાકની આસપાસ રહેશે.

English summary

South Africa vs Australia Semi Final: Kolkata Eden Gardens Pitch-weather report, who will qualify for final in case of rain.