CWG 2022 :ભારતના ખાતામાં વધુ એક ગોલ્ડ, મહિલા લૉન બોલ ટીમે ઇતિહાસ રચ્યો!
બર્મિંગહામમાં કોમનવેલ્થ ગેમ્સ 2022માં મહિલા લોન બોલ ટીમે ઈતિહાસ રચ્યો છે. લવલી ચૌબે, પિંકી, નયનમોની સૈકિયા અને રૂપા રાની તિર્કીની ભારતીય ચોકડીએ ગોલ્ડ મેડલ પોતાના નામે કર્યો છે.
બર્મિંગહામ : બર્મિંગહામમાં કોમનવેલ્થ ગેમ્સ 2022માં મહિલા લોન બોલ ટીમે ઈતિહાસ રચ્યો છે. લવલી ચૌબે, પિંકી, નયનમોની સૈકિયા અને રૂપા રાની તિર્કીની ભારતીય ચોકડીએ ગોલ્ડ મેડલ પોતાના નામે કર્યો છે. કોમનવેલ્થ ગેમ્સની 2022માં ભારતને અત્યારસુધીમાં કુલ 10 મેડલ મળ્યા છે.
લૉન બોલમાં ભારતે પ્રથમ વખત મેડલ જીત્યો છે. ભારતે ન્યુઝીલેન્ડને હરાવીને ફાઇનલમાં જગ્યા બનાવી હતી, તે મોટો અપસેટ હતો. ન્યૂઝીલેન્ડની ટીમે લૉન બોલમાં માત્ર 40 મેડલ જીત્યા છે. ભારતીય ટીમ ન્યૂઝીલેન્ડને 16-13થી હરાવીને પ્રથમ વખત કોમનવેલ્થ ગેમ્સની ફાઇનલમાં પહોંચી હતી.
A historic #GoldMedal for India.
— Y. Satya Kumar (@satyakumar_y) August 2, 2022
Entire nation is elated on Indian Women's win in Fours team in #LawnBowls
They won by beating South Africa 17-10 in final.#CommonwealthGames
pic.twitter.com/7xdsW1zviC
ભારતીય ટીમે ફાઈનલ મેચમાં આફ્રિકન ટીમને 17-10થી હરાવીને આ મેડલ જીત્યો હતો. 1930ના દાયકાની શરૂઆતથી જ કોમનવેલ્થ ગેમ્સમાં લૉન બોલ રમવામાં આવે છે. ભારતની વાત કરીએ તો તેણે ક્યારેય કોમનવેલ્થ ગેમ્સમાં લૉન બોલમાં મેડલ જીત્યો ન હતો. પરંતુ હવે ઈતિહાસમાં પ્રથમ વખત ભારતને આ રમતમાં મેડલ મળ્યો છે. 2010માં દિલ્હીમાં કોમનવેલ્થ ગેમ્સમાં ભારતે પ્રથમ વખત લૉન બોલમાં ભાગ લીધો હતો.