ફુટબોલના બાદશાહ રોનાલ્ડોને મળ્યો કિંગ કોહલીનો સાથ, કહ્યું- કોઇ ટ્રોફી તમારી અચિવમેન્ટ છીનવી નહી શકે
મોરક્કોની ટીમે પોર્ટુગલને 1-0થી હરાવીને ફિફા વર્લ્ડ કપમાં મોટો અપસેટ સર્જ્યો છે. પોર્ટુગલને હરાવીને સેમિફાઈનલમાં પહોંચનારી મોરોક્કો પ્રથમ આફ્રિકન ટીમ બની. આ સાથે પોર્ટુગલ અને ક્રિસ્ટિયાનો રોનાલ્ડોનું ફૂટબોલ વર્લ્ડ કપ જીત
મોરક્કોની ટીમે પોર્ટુગલને 1-0થી હરાવીને ફિફા વર્લ્ડ કપમાં મોટો અપસેટ સર્જ્યો છે. પોર્ટુગલને હરાવીને સેમિફાઈનલમાં પહોંચનારી મોરોક્કો પ્રથમ આફ્રિકન ટીમ બની. આ સાથે પોર્ટુગલ અને ક્રિસ્ટિયાનો રોનાલ્ડોનું ફૂટબોલ વર્લ્ડ કપ જીતવાનું સપનું ફરી એકવાર ચકનાચૂર થઈ ગયું છે. આ હાર બાદ ક્રિસ્ટિયાનો રોનાલ્ડોની આંખોમાંથી આંસુ વહેવા લાગ્યા અને તે દુઃખી મન સાથે મેદાનની બહાર નીકળી ગયો હતો.
રોનાલ્ડો પાસે હતો છેલ્લો મોકો
પોર્ટુગલની ટીમને પ્રથમ વખત ફિફા વર્લ્ડ કપની ક્વાર્ટર ફાઇનલમાં હારનો સામનો કરવો પડ્યો છે. 37 વર્ષીય રોનાલ્ડો માટે આ છેલ્લી તક હતી જ્યારે તે પોતાની ટીમને વર્લ્ડ ચેમ્પિયન બનાવી શક્યો હતો. એવું માનવામાં આવે છે કે રોનાલ્ડો આગામી વર્લ્ડ કપ સુધી ફૂટબોલને અલવિદા કહી શકે છે. આ હાર બાદ રોનાલ્ડોએ ઈન્સ્ટાગ્રામ પર ઈમોશનલ પોસ્ટ કરીને ફેન્સ સાથે કેટલીક વાતો શેર કરી હતી.
વર્લ્ડકપ જીતવાનો મળ્યો મોકો
રોનાલ્ડોએ વર્લ્ડ કપમાંથી બહાર થયા બાદ લખ્યું કે પોર્ટુગલ માટે વર્લ્ડ કપ જીતવો એ મારી કારકિર્દીનું સૌથી મોટું સપનું હતું. મેં પોર્ટુગલ માટે આંતરરાષ્ટ્રીય સ્તરે ઘણા ખિતાબ જીત્યા છે, પરંતુ મારું સ્વપ્ન મારા દેશને વિશ્વમાં ટોચ પર લઈ જવાનું હતું. ફિફા વર્લ્ડ કપમાં ટીમને જીતાડવાની ઈચ્છા હતી, તેના માટે લડત પણ આપી. પણ હવે એ સપનું તૂટી ગયું છે. જણાવી દઈએ કે રોનાલ્ડોએ આ સાથે બીજી ઘણી બાબતોનો ઉલ્લેખ કર્યો છે.
રોનાલ્ડોને મળ્યો કોહલીનો સાથ
ભારતીય ક્રિકેટ ટીમના પૂર્વ કેપ્ટન વિરાટ કોહલીએ રોનાલ્ડો વિશે એક પોસ્ટ કરી છે. આ પોસ્ટ દ્વારા તેણે રોનાલ્ડોનો ઉત્સાહ વધારવાનું કામ કર્યું.રોનાલ્ડોની તસવીર શેર કરતા વિરાટ કોહલીએ લખ્યું કે, તમે તમારી રમત દ્વારા આ દુનિયાને જે આપ્યું છે તે કોઈ ટ્રોફી કે ટાઈટલ તમારી પાસેથી છીનવી નહીં શકે. તમે દરેક ખેલાડી માટે સાચી પ્રેરણા છો. તમે મારા માટે કાયમ મહાન છો. ભગવાનના આશીર્વાદ હંમેશા તમારી સાથે છે. તમારી મહેનત અને સમર્પણએ આજે તમને એટલા સક્ષમ બનાવ્યા છે કે દરેક તમારા પ્રશંસક છે.