Ind vs Aus : રિંકુ સિંહે શાનદાર સિક્સર ફટકારીને ટીમને જીતાડી પરંતુ સ્કોરમાં કાઉન્ટ ન થઈ, જાણો કેમ?
ભારતીય ટીમે પ્રથમ T-20 મેચમાં ઓસ્ટ્રેલિયાને 2 વિકેટે હરાવીને રોમાંચક જીત મેળવી. આ મેચમાં રિંકુ સિંહે શાનદાર સિક્સર ફટકારીને મેચને પુરી કરી. જો કે એ સિક્સ ન તો ભારતના સ્કોરબોર્ડમાં અને ન તો રિંકુના સ્કોરબોર્ડમાં કાઉન્ટ થઈ.
ભારતને 1 બોલ પર 1 રનની જરૂર હતી ત્યારે રિંકુએ છેલ્લા બોલ પર વિનિંગ સિક્સર ફટકારી હતી, પરંતુ શા માટે આ જીતની સિક્સ સ્કોરબોર્ડ પર કાઉન્ટ ન થઈ?
સીન એબોટે ઇનિંગનો છેલ્લો બોલ ફેંક્યો અને તે નો બોલ હતો. આ બોલ પર રિંકુ સિંહે સિક્સર ફટકારી પરંતુ આ દરમિયાન હૂટર વાગ્યું, જે નો બોલ પર વાગે છે. આ રીતે થર્ડ અમ્પાયરે કહ્યું કે બોલ નો બોલ છે. આવી સ્થિતિમાં ટીમ ઈન્ડિયાને એક રન મળ્યો અને ભારતે મેચ જીતી લીધી.
ઓસ્ટ્રેલિયન ટીમ માટે જોશ ઈંગ્લિશે શાનદાર સદી ફટકારી હતી. તેણે 50 બોલનો સામનો કરીને 110 રન બનાવ્યા, તેણે 11 ચોગ્ગા અને 8 ચોગ્ગા ફટકાર્યા. આ સિવાય સ્મિથે 52 રનની ઇનિંગ રમી. આ રીતે 209 રનનો પીછો કરતી વખતે ભારતીય ટીમના બંને ઓપનર 15 બોલમાં જ પેવેલિયન પરત ફર્યા હતા.
રૂતુરાજ ગાયકવાડ ખાતું ખોલાવ્યા વિના પ્રથમ ઓવરમાં રનઆઉટ થયો. યશસ્વી પણ 21 રન બનાવી આઉટ થયો. આ પછી ઈશાન કિશન અને સરયકુમાર યાદવે સદીની પાર્ટનરશિપ કરી અને સૂર્યાએ 42 બોલમાં 80 રન બનાવ્યા, જેમાં તેણે 9 ચોગ્ગા અને 4 છગ્ગા ફટકાર્યા. ઈશાને 39 બોલમાં 58 રન બનાવ્યા હતા. તિલક વર્માએ 12 અને અક્ષરે 2 રન બનાવ્યા.
ભારત માટે છેલ્લી ઓવર પ્રેસર વાળી હતી. 20મીં ઓવરમાં ભારતને જીતવા માટે 6 બોલમાં સાત રનની જરૂર હતી. રિંકુએ પહેલા બોલ પર ચોગ્ગો ફટકાર્યો. આ પછી રિંકુએ આગલા બોલ પર એક રન લીધો. જે બાદ અક્ષર પટેલ ત્રીજા બોલ પર આઉટ થયો હતો. ચોથા બોલ પર રન બનાવવાના પ્રયાસમાં રવિ બિશ્નોઈ રનઆઉટ થયો હતો.
રિંકુ સિંહે પાંચમા બોલ પર એક રન પૂરો કર્યો પરંતુ અર્શદીપ સિંહ રનઆઉટ થયો. ભારતને છેલ્લા બોલ પર એક રનની જરૂર હતી અને રિંકુએ સીન એબોટના બોલ પર સિક્સર ફટકારી. જો કે એબોટનો પગ ક્રિઝની બહાર હોવાથી રિંકુના ખાતામાં તેનો સમાવેશ ન થયો. આ બોલને નો બોલ જાહેર કરવામાં આવ્યો. આવી સ્થિતિમાં ભારતને છને બદલે એક રન મળ્યો અને જીત થઈ ગઈ.
Click it and Unblock the Notifications
Sign in with Google
