ઇન્ડિયન ક્રિકેટ ‘ફોર્સ’ મિશન રાજકોટ માટે તૈયાર

By Super

Updated: Monday, February 16, 2015, 11:23 [IST]

રાજકોટ, 10 ઓક્ટોબરઃ ભારત અને ઓસ્ટ્રેલિયા વચ્ચે આજે એકમાત્ર ટી20 મેચ રમાવા જઇ રહી છે. આ મેચમાં બધાની નજર યુવરાજ સિંહ પર રહેશે. આગામી વ્યસ્ત સત્રનો આગાઝ કરનારી આ મેચમાં ભારતે જ્યાં પોતાની મજબૂત ટીમને ઉતારી છે, ત્યાં જ ઓસ્ટ્રેલિયાની ટીમમાં મોટાભાગના ખેલાડી બીનઅનુભવી છે. ઇંગ્લેન્ડ વિરુદ્ધ એશિઝ શ્રેણી પહેલા ઓસ્ટ્રેલિયા પોતાના યુવા ખેલાડીઓને અજમાવી રહ્યાં છે.

જો કે, હવામાનની અસર મેચ પર પડી શકે તેવી સંભાવનાઓ વ્યક્ત કરવામાં આવી છે. રાજકોટ સહિત રાજ્યમાં અનેક વિસ્તારોમાં વરસા પડી રહ્યો છે અને ગુરુવારે પણ મોસમ વિભાગે વરસાદ પડશે તેવી આશંકા વ્યક્ત કરી છે. ભારતના મોટ ભાગના ખેલાડીઓએ ચેમ્પિયન્સ લીગ ટી20 ટૂર્નામેન્ટ અથવા ભારત એ માટે રમીને તૈયારી પૂર્ણ કરી લીધી છે. આંતરરાષ્ટ્રિય ક્રિકેટથી બે મહિનાના બ્રેક બાદ સુકાની મહેન્દ્ર સિંહ ધોની જીત સાથે શરૂઆત કરવા ઇચ્છશે.

જો કે, કહેવાય છે કે, આ મેચમાં સૌથી વધુ રોમાંચકતા યુવરાજ સિંહને લઇને છે. જેણે ભારત એ અને ઇન્ડિયા બ્લૂ માટે સારું પ્રદર્શન કરીને ટીમમાં પુનરાગમન કર્યું છે. યુવરાજે વેસ્ટ ઇન્ડિઝ એ વિરુદ્ધ બેંગ્લોરમાં ટી20 મેચમાં 35 બોલમાં 52 રન ફટકાર્યા હતા. તે પોતાની સ્પીન બોલિંગથી પણ ઘણો જ ઉપયોગી સાબિત થઇ શકે છે. આ ઉપરાંત સૌરાષ્ટ્રના બે ખેલાડી ઓલરાઉન્ડર રવિન્દ્ર જાડેજા અને ઝડપી બોલર જયદેવ ઉનડકટ પણ ઘરેલુ મેદાનમાં સારુ પ્રદર્શન કરવા ઇચ્છશે. જો કે, ઉનડકટને લઇને નિર્ણય મેચ દરમિયાન કરવામાં આવશે. આ મેચ સાંજે સાત વાગે લાઇવ પ્રસારિત કરવામાં આવનારી છે.