આ છે ઓલિમ્પિકમાં ભારતીય પુરૂષ હોકી ટીમનો શાનદાર રેકોર્ડ, અત્યારસુધીમાં આટલા મેડલ જીતી ચુકી છે ટીમ
ઓલિમ્પિકમાં પુરુષોની ભારતીય હોકી ટીમે ફરી એકવાર સાબિત કરી દીધું છે કે તેઓ કોઈથી કમ નથી. ટોક્યો ઓલિમ્પિકમાં પણ એક મેડલ પોતાના ખાતામાં ઉમેર્યો છે.
ઓલિમ્પિકમાં પુરુષોની ભારતીય હોકી ટીમે ફરી એકવાર સાબિત કરી દીધું છે કે તેઓ કોઈથી કમ નથી. ટોક્યો ઓલિમ્પિકમાં પણ એક મેડલ પોતાના ખાતામાં ઉમેર્યો છે. ભારતે બ્રોન્ઝ મેડલ મેચમાં જર્મનીને 5-4થી હરાવ્યું હતું. 41 વર્ષ બાદ ભારતીય હોકી ટીમના ખાતામાં કોઈ મેડલ આવ્યો છે. જો કે, તમને જાણીને આનંદ થશે કે ભારતીય હોકી ટીમનો ઓલિમ્પિકના શાનદાર ઈતિહાસ છે.
ભારતીય પુરુષ હોકી ટીમ ઓલિમ્પિકમાં સૌથી સફળ ટીમ છે. આર્જેન્ટિના, જર્મની, યુકે જેવી મોટી ટીમો પણ ભારતીય હોકી ટીમ જેવું પ્રદર્શન કરી શકી નથી. ભારત હોકીમાં સૌથી વધુ મેડલ મેળવનાર દેશ છે. ભારત પાસે હોકીમાં કુલ 12 મેડલ છે, જે ઓલિમ્પિકમાં એક હોકી ટીમ પાસે સૌથી વધુ છે.
ખાસ વાત એ છે કે ભારત કુલ 12 મેડલ અને 8 ગોલ્ડ મેડલ જીતવામાં સફળ રહ્યું છે. પ્રથમ ગોલ્ડ 1928 માં જીત્યો હતો. ત્યારબાદ, ભારત 1932, 1936, 1948, 1952, 1956, 1964, 1980 માં ગેમ્સમાં ચેમ્પિયન તરીકે ઉભરી આવ્યું અને ગોલ્ડ મેડલ મેળવ્યો. 1960 માં રોમમાં સિલ્વર મેડલ મેળવ્યો. 1968 મેક્સિકો અને 1972 મ્યુનિખ ઓલિમ્પિકમાં બ્રોન્ઝ મેડલ જીત્યા હતા. હવે 41 વર્ષ પછી, ભારતીય પુરુષ હોકી ટીમને ઓલિમ્પિક 2020 માં સફળતા મળી, જેમાં તેણે બ્રોન્ઝ મેડલ જીત્યો. ભારતે 8 ગોલ્ડ, 1 સિલ્વર અને 3 બ્રોન્ઝ મેડલ જીત્યા છે.
એટલું જ નહીં, ગોલની દ્રષ્ટિએ પણ ટીમનો રેકોર્ડ જબરદસ્ત છે. ભારતે ઓલિમ્પિકના ઇતિહાસમાં ગોલ્ડ મેડલના મેચમાં ભારતે શ્રેષ્ઠ રમત બતાવી છે. એટલે કે સૌથી વધુ ગોલ કરવામાં ભારત ટોચ પર છે. બ્રિટન, જર્મનીમાં યોજાયેલી 1936 ઓલિમ્પિક રમતોમાં ભારતે ગોલ્ડ મેડલ જીત્યો હતો. તેણે ફાઇનલમાં જર્મનીનો સામનો કર્યો હતો. ભારતે ગોલ્ડ મેડલ જીતવા માટે એકતરફી રમત દર્શાવી હતી અને ખેલાડીઓએ 8 ગોલ કર્યા હતા, જ્યારે જર્મની માત્ર એક ગોલ કરી શક્યું હતું. તે ઓલિમ્પિક ગેમ્સની હોકી ઇવેન્ટની ફાઇનલની સૌથી વધુ ગોલ સ્કોર્ડ મેચ પણ છે. જો કે ભારત-જર્મનીએ ઓલિમ્પિક 2020 માં પણ બ્રોન્ઝ મેડલ માટે કુલ 9 ગોલ કર્યા હતા, તેમાં ભારતના 5 ગોલ હતા.