IPL-6 : રાજસ્થાનનો 4 વિકેટે વિજય, હૈદરાબાદ બહાર

Updated: Thursday, May 23, 2013, 12:21 [IST]

નવી દિલ્હી, 23 મે : બ્રેડ હોઝ (અણનમ 54)ની સાહસિક પારીના જોરે રાજસ્થાન રોયલ્સની ટીમે બુધવારે ફિરોજશાહ કોટલા મેદાનમાં રમાયેલ ઇન્ડિયન પ્રીમિયર લીગના એલિનિમિટર મુકાબલામાં સનરાઇઝર્સ હૈદરાબાદને 4 વિકેટથી હરાવી દીધું. આ જીતથી રાજસ્થાનને બીજા ક્વોલિફાયરની ટીકિટ અપાવી દીધી છે, ત્યાં સનરાઇઝર્સની સ્વર્ણિમ યાત્રા પૂરી થઇ ગઇ છે.

આ મેચ બંને ટીમો માટે ખૂબ જ મહત્વની હતી. હારની સાથે જ સનરાઇઝર્સ ફાઇનલની રેસમાંથી બહાર થઇ ગઇ છે જ્યારે રાજસ્થાનની ટીમ બીજા ક્વોલિફાયરમાં 24 મેના રોજ કોલકાતામાં મુંબઇ ઇન્ડિયન્સ સાથે ટકરાશે. બે વખતની ચેમ્પિયન ચેન્નાઇ સુપર કિંગ્સ મંગળવારે કોટલામાં જ મુંબઇ ઇન્ડિયન્સને હરાવીને સતત ચોથી વાર અને કૂલ પાંચમીવાર ફાઇનલમાં પહોંચી ગઇ છે.

સનકાઇઝર્સે રાજસ્થાનની સામે 133 રનોનું લક્ષ્ય મુક્યું હતું, પરંતુ ઝડપથી વિકેટ પડી જવાને કારણે એક સમયે રાજસ્થાનની ટીમ મુશ્કેલીમાં આવી ગઇ હતી. તેમ છતાં હોઝે જેમ્સ ફોલ્કનરની સાથે સાતમી વિકેટ માટે 35 બોલોમાં 45 રનોની ભાગીદારી કરી પોતાની ટીમને શાનદાર જીત અપાવી દીધી. હોઝે 29 બોલની પારીમાં પાંચ છગ્ગા અને બે ચોગ્ગા લગાવ્યા.