સુકાની ધોનીનો નવો કૂલ-કૂલ લુક

Updated: Monday, September 23, 2013, 10:55 [IST]

રાંચી, 23 સપ્ટેમ્બરઃ રવિવારે એએસીએ આંતરરાષ્ટ્રીય મેદાન પર ટાઇટન્સ સાથે ચેન્નાઇ સુપર કિંગ્સ ટીમની મેચ પહેલા સુકાની મહેન્દ્ર સિંહ ધોનીનો નવો લુક જોવા મળ્યો. કેપ્ટન કૂલનો આ નવો કૂલ-કૂલ લુક ચર્ચાનો વિષય બની ગયો છે. ધોનીએ આ નવી હેરસ્ટાઇલમાં પોતાના વાળને સાઇડમાંથી દૂર કર્યા છે, આવો લુક પહેલા ભાગ્યેજ કોઇ ભારતીય ક્રિકેટ ખેલાડીએ અપનાવ્યો હશે.

ચેમ્પિયન્સ લીગ 2013માં પોતાની પહેલી મેચમાં ચેન્નાઇ સુપર કિંગ્સના સુકાની ધોનીનો આ નવો લુક ઇંગ્લેન્ડના સ્ટાર ફૂટબોલર ડેવિડ બેકહેમને પણ મળતો આવે છે.

નોંધનીય છે કે, સુરેશ રૈના અને માઇકલ હસીની શાનદાર બેટિંગની મદદથી ચેન્નાઇ સુપર કિંગ્સે ચેમ્પિયન્સ લીગ 2013માં 186 રનના મોટા સ્કોરનો પીછો કરતા દક્ષિણ આફ્રિકાની ટાઇટન્સ ટીમને ચાર વિકેટથી પરાજય આપ્યો છે.

રૈના અને હસીએ 47-47 રન બનાવ્યા હતા, આ ઉપરાંત બ્રાવોએ 38 અને બદ્રીનાથે અણનમ 20 રનની ઇનિંગ રમી હતી. જો કે, સુકાની મહેન્દ્ર સિંહ ધોની પોતાના હોમ ગ્રાઉન્ડ પર કોઇ ખાસ કમાલ દેખાડી શક્યો નહીં અને તે માત્ર 7 રન બનાવી શક્યો હતો.