દ્રવિડ સાથે પૂજારાની તુલના ના થવી જોઇએઃ જોન્સ

હૈદરાબાદ, 6 માર્ચઃ ઓસ્ટ્રેલિયાના પૂર્વ ખેલાડી ડીન જોન્સનું કહેવું છે કે ઓસ્ટ્રેલિયા વિરુદ્ધ હૈદરાબાદ ટેસ્ટમાં બેવડી સદ લગાવનાર યુવા ખેલાડી ચેતેશ્વર પૂજારાની તુલના રાહુલ દ્રવિડ સાથે ના થવી જોઇએ કારણ કે, પૂજારાએ હજુ વિદેશી પીચો પર પ્રદર્શન કર્યું નથી. જોન્સનું માનવું છે કે દ્રવિડે પોતાની ટેક્નિક અને માનસીક મજબૂતીના દમ પર વિદેશી પીચો પર પણ પોતાને સાબિત કર્યો છે. અતઃ સારી ટેક્નિક હોવા છતાં પણ હજૂ પૂજારાની તુલના દ્રવિડ સાથે કરવામાં આવવી જોઇએ નહીં.

જોન્સે એમ પણ કહ્યું કે વર્ષ 2010-11માં દક્ષિણ આફ્રિકા પ્રવાસ બાદ પૂજારાને વિદેશી પ્રવાસ માટેની ટીમમાં પસંદ કરવામાં આવ્યો નથી. પૂજારાએ પોતાના આ દક્ષિણ આફ્રિકાના પ્રવાસની ત્રણ મેચોમાં 31 રન બનાવ્યા હતા, જેમાં તેનો હાઇએસ્ટ સ્કોર 19 રન હતો.

જોન્સે એવી સલાહ આપી છે કે પૂજારાને સારા પ્રદર્શનનું દબાણ આપવું ના જોઇએ, તેને તેની રમતનો આનંદ લેવા દેવો જોઇએ. તેની પાસે એક મજબૂત ડિફેન્સ છે જેની પરીક્ષા વિદેશી પીચો પર થવાની હજૂ બાકી છે.

પૂજારાએ અત્યાર સુધી ટીમ ઇન્ડિયા તરફથી ચાર સદીઓ લગાવી છે, જેમાં બે બેવડી સદી પણ સામેલ છે. પૂજારાની ટેક્નિક ટેસ્ટ મેચો માટે અનુકુળ છે, તે જરૂર પડ્યે ઝડપી રન બનાવવાની યોગ્યતા પણ ધરાવે છે.

English summary

Australia's Dean Jones on Monday stated that one should not compare Cheteshwawr Pujara to Rahul Dravid since the Saurashtra batsman has not been tried overseas.