સિંધુએ રચ્યો ઇતિહાસ, કોરિયા ઓપન જીતનારી પહેલી ભારતીય ખેલાડી

Written By:
Subscribe to Oneindia News

ભારતની બેડમિન્ટન સ્ટાર વર્લ્ડ નંબર-4 પી.વી. સિંધુએ જાપાનની ખેલાડીને હરાવીને કોરિયા ઓપન સીરિઝ પોતાને નામ કરી છે. ઓલિમ્પિંકમાં સિલ્વર મેડલ મેળવનાર સિંધુએ રવિવારે રમાયેલી ફાઈનલ્સમાં જાપાની ખેલાડી નોઝોમી ઓકુહારાને 22-20, 11-21, 21-18થી માત આપી હતી. આ સાથે જ પી.વી. સિંધુ કોરિયા ઓપન સીરિઝ જીતનારી પહેલી ભારતીય ખેલાડી બની ગઈ છે. પી.વી. સિંધુની જીત બદલ વડાપ્રધાન નરેન્દ્ર મોદીએ પણ ટ્વિટ કરીને શુભકામના પાઠવી છે.

p v. sindhu

નોંધનીય છે કે, આ અગાઉ રમાયેલી વર્લ્ડ ચેંમ્પિયનશિપમાં જાપાની ખેલાડી નોઝોમીએ સિંધુને હરાવી હતી, જેનો પી.વી સિંધુએ પુરો બદલો કોરિયા ઓપનમાં લઈ લીધો છે. કોરિયા ઓપનની જીત સાથે સિંધુએ આ વર્ષે ત્રણ ખિતાબ પોતાના નામ પર કરી લીધા છે, જેમાં સેયદ મોદી ઇન્ટનેશનલ અને ઇન્ડિયા ઓપન સુપર સીરિઝના ખિતાબનો સમાવેશ થાય છે. આ પહેલા શનિવારે રમાયેલ સેમી ફાઈનલમાં વર્લ્ડ નંબર-2 બિંગઝિઆઓ, જે ચીનની ખેલાડી છે, તેને પણ પી.વી સિંધુએ 21-10, 17-21, 21-16થી હાર આપીને ફાઇનલમાં સ્થાન મેળવ્યું હતું.

English summary
PV Sindhu defeats Japans Nozomi Okuhara, clinches Korea Super Series

For Breaking News from Gujarati Oneindia
Get instant news updates throughout the day.