T20 World Cup : શરૂઆતમાં જ મોટો ઉલટફેર, નામિબિયા સામે શ્રીલંકાની 55 રને હાર!
ટી20 વર્લ્ડકપની શરૂઆતમાં જ મોટો ઉલટફેર જોવા મળ્યો છે. હજુ હમણાં જ અશિયાકપમાં ચેમ્પિયન બનેલા શ્રીલંકાને નામિબિયા સામે હારનો સામનો કરવો પડ્યો છે. નામિબિયાએ શ્રીલંકાએ 55 રનથી હરાવી મોટો ઉલટફેર સર્જ્યો છે.
નવી દિલ્હી : ટી20 વર્લ્ડકપની શરૂઆતમાં જ મોટો ઉલટફેર જોવા મળ્યો છે. હજુ હમણાં જ અશિયાકપમાં ચેમ્પિયન બનેલા શ્રીલંકાને નામિબિયા સામે હારનો સામનો કરવો પડ્યો છે. નામિબિયાએ શ્રીલંકાએ 55 રનથી હરાવી મોટો ઉલટફેર સર્જ્યો છે. નામિબિયાએ શ્રીલંકાને માત્ર 108 રનમાં ઓલ આઉટ કરીને મેચ જીતી લીધી. રવિવારે શ્રીલંકા સામે નામિબિયાના બોલરોએ ધમાકેદાર પ્રદર્શન કર્યું હતું. બેન શિકોન્ગો અને બર્નાર્ડ શોલ્ટ્ઝે શાનદાર પ્રદર્શન કરતા શ્રીલંકાના બેટ્સમેનોને પેવેલિયન ભેગા કરી દીધા હતા.
શ્રીલંકાની ખરાબ શરૂઆત
શ્રીલંકાની ક્રિકેટ ટીમની શરૂઆત ખૂબ જ ખરાબ રહી હતી. શ્રીલંકાના ચાહકોને આશા હશે કે એશિયા કપની જેમ જ વર્લ્ડકપમાં શ્રીલંકાનું જોરદાર પુનરાગમન બાકીની મેચો જીતવાનો પ્રયાસ કરશે. ટીમ તરફથી કેપ્ટન દાસુન શનાકાએ સૌથી વધુ 29 રન બનાવ્યા હતા.
શ્રીલંકાને 164 રનનો ટાર્ગેટ
શ્રીલંકાની સામે આ જીત માટે 164 રનનો લક્ષ્યાંક રાખવામાં આવ્યો હતો. શ્રીલંકાની ટીમે માત્ર 21ના સ્કોર પર પોતાની ત્રણ વિકેટ ગુમાવી દીધી હતી. પથુમ નિસાંકા (9), કુસલ મેન્ડિસ (6) અને ધનંજયા ડી સિલ્વા (12) બેટથી ફ્લોપ રહ્યા હતા. ધનુષ્કા ગુણાથિલાકા પણ ખાતું ખોલાવ્યા વિના જ પેવેલિયન પરત ફર્યો હતો. કેપ્ટન દાસુન શનાકાએ ભાનુકા રાજપક્ષે સાથે મળીને પ્રયાસ કર્યો હતો, પરંતુ તે ટીમ હાર બચાવવામાં નિષ્ફળ રહી.
નામિબિયાના બોલરોએ ચોકાવ્યા
બર્નાર્ડ શોલ્ટ્ઝ અને બેન શિકોન્ગોએ વર્લ્ડ કપની પ્રથમ મેચમાં પોતાની બોલિંગથી બધાને ચોંકાવી દીધા છે. બર્નાર્ડ શોલ્ટ્ઝે 4 ઓવરમાં માત્ર 18 રન આપીને બે વિકેટ ઝડપી હતી. જોન ફ્રીલિંકે ચાર ઓવરના સ્પેલમાં 26 રન આપીને બે વિકેટ ઝડપી હતી. ડેવિડ વિઝે ચાર ઓવરમાં 16 રન આપીને બે વિકેટ લીધી હતી. શ્રીલંકાની ટીમ 108 રન બનાવીને ઓલઆઉટ થઈ ગઈ હતી.