સૂરજ, રેતી અને દરિયાનો સંગમ એટલે દીવ

Published: Wednesday, March 5, 2014, 15:33 [IST]

દીવ એક નાનું અમથું દ્વીપ છે જે ગુજરાતના સૌરાષ્ટ્ર(કાઠિયાવાડ) પ્રાયદ્વીપના દક્ષિણ ભાગમાં છે. સૂરજ, રેતી અને સમુદ્રનો સંગમ આ સ્થળને સ્વર્ગ બનાવી દે છે. અહીં લેહારાતા ખજૂરના ઝાડ અને અરબ સાગરની લહેરોથી આ દ્વીપની સુંદરતામાં ચાર ચાંદ લાગી જાય છે. પ્રાચીન અને મધ્યયુગીન કાળમાં દીવ પર અનેક રાજાઓએ અને રાજવંશોએ શાસન કર્યું હતું. બાદમાં અહી પોર્ટુગલ ઉપનિવેશ બની ગયુ અને 1961માં તેને ગોવા સાથે એક કેન્દ્ર શાસિત પ્રદેશ જાહેર કરી દેવામાં આવ્યું. 1987માં આ દ્વીપને ગોવાથી અલગ કરી દેવામાં આવ્યું હતું.

એક નિર્ધારિત વાતાવરણમાં સૂરજ, રેતી અને સમુદ્રની સાથે ધન્ય દીવની ધરતી ભારતના સૌથી ઉત્કૃષ્ટ સમુદ્ર તટના રૂપમાં ઉભરી રહી છે. આ દ્વીપ પર પાગળ કરી દે તેવી ભીડ નથી, શાંતિ છીનવી લે તેવો દેકારો નથી, તટની મૌલિક ગુણવત્તા હજુ પણ અકબંધ છે અને જે પ્રવાસી પ્રકૃતિની મહિમામાં ખોવાઇ જવા માગે છે, તેમને આ દ્વીપ આકર્ષિત કરે છે. આ તટ સ્વિમર માટે સારો માનવામાં આવે છે. અહીં આવીને પ્રવાસી સેલિંગ, બોટિંગ, વોટર સ્કીઇંગ અથવા તો પછી અન્ય સાહસિક ગતિવિધિઓનો આનંદ ઉઠાવી શકે છે.

ઘોઘલા તટ, ઘોઘલા ગામમાં સ્થિત છે, જે દીવ જિલ્લાના સૌથી મોટા, શાંત અને શાનદાર સમુદ્ર તટોમાનો એક છે. આ તટ, સ્વિમર, પૈરાસેલિંગ, સર્ફિંગ અને અન્ય રોમાંચકારી પાણીના ખેલો માટે એક આદર્શ સ્થળ છે. જલંધર તટ, દીવ શહેરથી લગભગ એક કિ.મી દૂર સ્થિત છે. આ તટનું નામ એક પૌરાણિક દાનવના નામ પરથી રાખવામાં આવ્યું છે. જેનું મંદિર નજીકમાં સ્થિત એક પર્વત પર બનેલું છે. આ સમુદ્ર તટ, સૌંદર્ય, શાંતિ અને સૌહાર્દનું પ્રતિક છે. તો ચાલો તસવીરો થકી નિહાળીએ દીવને.