Monsoon Travel Destinations : ચોમાસામાં બેસ્ટ છે આ ટ્રાવેલ ડેસ્ટિનેશન, તો સામાન બાંધો અને નીકળી પડો

Published: Tuesday, July 4, 2023, 15:17 [IST]

Monsoon Travel Destinations : ભારતના મોટાભાગના વિસ્તારોમાં ચોમાસું શરૂ થઇ ગયું છે. આવામાં લોકો ચોમાસામાં ફરવા માટે ડેસ્ટિનેશન શોધી રહ્યા છે. દુનિયામાં ઘણા ઓછા લોકો હોય છે, જેમને ચોમાસું પસંદ ન હોય. મંદ મંદ વરસાદમાં કપલ્સ ફરવા નિકળી જાય છે.

જુલાઈ મહિના પહેલા જ, લોકો ચોમાસા દરમિયાન ભારતમાં ફરવા માટેના સ્થળો શોધવાનું શરૂ કરે છે. તમારી ચોમાસાની સફરને સરળ અને યાદગાર બનાવવા માટે, આ અહેવાલમાં તમને ચોમાસામાં ફરવા જવા માટેના બેસ્ટ સ્થળોની યાદી જણાવી રહ્યા છીએ.

કોડાઈકેનાલ - કોડાઈકેનાલ એ દક્ષિણ ભારતના તમિલનાડુ રાજ્યમાં આવેલું એક પહાડી શહેર છે. કોડાઈકેનાલ જુલાઈની રજાઓમાં ફરવા માટેના શ્રેષ્ઠ સ્થળો માટે જાણીતું છે. કોડાઇકેનાલ હાલમાં ચોમાસા હેઠળ છે અને આ દરમિયાન આ સ્થળ ખૂબ જ સુંદર બની જાય છે.

અલેપ્પી - કેરળમાં અલેપ્પીમાં પણ જુલાઈ મહિનામાં ભારે વરસાદ પડે છે, જે ચોમાસાના પ્રેમીઓ માટે શ્રેષ્ઠ સ્થળ બનાવે છે.

કુર્ગ - કર્ણાટકનું સુંદર હિલ સ્ટેશન ચોમાસા દરમિયાન એકદમ અલૌકિક લાગે છે. એક શાંત હિલ સ્ટેશન, કુર્ગની કુદરતી સુંદરતાનો કોઈ જવાબ નથી.

ગંગટોક - સિક્કિમની રાજધાની ગંગટોકમાં જુલાઈમાં ઘણો વરસાદ પડે છે, જેના કારણે આખો વિસ્તાર હરિયાળો અને સુંદર દેખાય છે. તમે જુલાઈ મહિનામાં અહીં પ્રવાસનું આયોજન કરી શકો છો.

ગોવા - ગોવામાં જુલાઈ મહિનામાં ભારે વરસાદ પડે છે. આ સમય દરમિયાન દરિયાકિનારા જોખમી બની જાય છે, તેથી સ્વિમિંગ શક્ય બનશે નહીં, પરંતુ તમે હજૂ પણ બીચની મુલાકાત લઈ શકો છો. વરસાદની ઋતુમાં આ જગ્યા સંપૂર્ણપણે હરિયાળી બની જાય છે.

લેન્ડૌર - જો તમે પ્રાકૃતિક સૌંદર્યનો આનંદ માણવા માંગો છો, તો જુલાઈ મહિનામાં લેન્ડૌરની મુલાકાત અવશ્ય લો. ઉત્તરાખંડનું નાનું કેન્ટોનમેન્ટ ટાઉન આ સમય દરમિયાન સંપૂર્ણપણે લીલું અને સુંદર બની જાય છે.

લોનાવાલા - મહારાષ્ટ્રમાં લોનાવલા જુલાઈમાં સંપૂર્ણપણે લીલું અને ખૂબસૂરત બની જાય છે. ચોમાસામાં ફરવા માટે તે શ્રેષ્ઠ સ્થળ છે.

મેઘાલય - મેઘાલય, જેને વાદળોનું નિવાસસ્થાન કહેવામાં આવે છે, તે વિશ્વનું સૌથી ભીનું સ્થળ માવસનરામનું ઘર છે. તે પ્રકૃતિ અને વરસાદ પ્રેમીઓ માટે એક ઉત્તમ સ્થળ છે.

સાપુતારા - સાપુતારા પશ્ચિમ ઘાટમાં આવેલા ગુજરાતના ડાંગ જિલ્લામાં આવેલું એક ખૂબ જ સુંદર હિલ સ્ટેશન છે. આ સ્થળ તેના લીલાછમ જંગલો, પહાડો અને ધોધ માટે જાણીતું છે.

સાપુતારા ગુજરાતમાં ફરવા માટેના શ્રેષ્ઠ સ્થળોમાંનું એક છે. આ સ્થળ તેના પર્યટન આકર્ષણો અને કુદરતી સૌંદર્ય સાથે દર વર્ષે લાખો પ્રવાસીઓને આકર્ષે છે. આ હિલ સ્ટેશન દરિયાની સપાટીથી 875 મીટરની ઉંચાઈ પર છે, જે પર્યાવરણ પ્રેમીઓ, વન્યજીવન ઉત્સાહીઓ અને સાહસ પ્રેમીઓ માટે સ્વર્ગ છે. આવો અમે તમને આ હિલ સ્ટેશન વિશે વિગતવાર જણાવીએ.

Published On July 4, 2023