Chandra Grahan, Holi 2024: ચંદ્ર ગ્રહણ વચ્ચે ઉજવાશે હોળી, જાણો હોલિકા દહનનું મુહૂર્ત

Chandra Grahan, Holi 2024: ફાગણ સુદ પૂનમના દિવસે હોલિકા દહનના બીજા દિવસે ધૂળેટી ઉજવવામાં આવે છે. આ વર્ષે હોળીનો તહેવાર 24 અને 24 માર્ચના રોજ ઉજવવામાં આવશે. જોકે, વર્ષ 2024નું પહેલું ચંદ્ર ગ્રહણ 25 માર્ચના રોજ લાગશે, જેનો પ્રભાવ હોળીના તહેવાર પર થશે.

ચંદ્રગ્રહણ એ વૈજ્ઞાનિક દ્રષ્ટિકોણથી ખગોળીય ઘટના હોવા છતાં ભારતમાં તેનું ધાર્મિક અને જ્યોતિષીય મહત્વ છે. ગ્રહણ દરમિયાન પૂજા કરવા પર પ્રતિબંધ છે. આ વખતે ગ્રહણ હોળીના દિવસે થવાનું છે. આ અહેવાલમાં આપણે જાણીશું કે, ચંદ્રગ્રહણ ભારતમાં દેખાશે કે, નહીં અને ક્યારે આપણે હોલિકા દહન કરી શકીશું.

25 માર્ચે થવાનું છે ચંદ્રગ્રહણ - પંચાંગ અનુસાર ફાગણ મહિનાના શુક્લ પક્ષની પૂર્ણિમા 25 માર્ચના રોજ છે. આ દિવસે વર્ષનું પ્રથમ ચંદ્રગ્રહણ પણ થવાનું છે. ભારતીય સમય અનુસાર, આ ગ્રહણ 25 માર્ચે સવારે 10:23 કલાકે શરૂ થશે, અને બપોરે 3:02 વાગ્યે સમાપ્ત થશે.

સુતક લાગુ પડશે કે નહીં - વર્ષનું પ્રથમ ચંદ્રગ્રહણ 25 માર્ચે થશે, અને તે ભારતમાં દેખાશે નહીં. ગ્રહણ ન દેખાતું હોવાને કારણે સુતક કાળ પણ માન્ય નથી અને હોળીના તહેવારની ઉજવણીમાં કોઈ અડચણ નહીં આવે.

સુતક સમયગાળો ચંદ્રગ્રહણના 9 કલાક પહેલા માન્ય છે, અને આ સમયગાળા દરમિયાન પૂજા અથવા ધાર્મિક વિધિઓ જેવા શુભ કાર્યો કરવામાં આવતા નથી. ગ્રહણ દરમિયાન મંદિરોના દરવાજા બંધ કરીને મનમાં ભગવાનની પૂજા કરવામાં આવે છે.

હોલિકા દહનનો સમય - હોલિકા દહન 24મી માર્ચના રોજ ઉજવાશે. હોલિકા દહનનો શુભ સમય 24મી માર્ચે બપોરે 11:12 થી 12:07 સુધીનો છે.

નોંધ : આ માહિતી ઇન્ટરનેટ પર ઉપલબ્ધ ધારણાઓ અને માહિતી પર આધારિત છે. OneIndia Gujarati આ અહેવાલ સંબંધિત કોઈપણ ઇનપુટ અથવા માહિતીની ચકાસણી કરતું નથી. કોઈપણ માહિતી અને ધારણાઓ પર કાર્ય કરતા પહેલા અથવા લાગુ કરતા પહેલા સંબંધિત નિષ્ણાતની સલાહ લેવી જરૂરી છે.

English summary

Chandra Grahan, Holi 2024: Holi will be celebrated between lunar eclipses 2024