ઇઝરાયેલને મુળથી ઉખેડવાની તૈયારી? હમાસે જંગનું એલાન કર્યા બાદ ઈરાન પણ તૈયાર
ગાઝામાં નરસંહાર કરનારા ઇઝરાયેલ વિરૂદ્ધ હમાસે જંગનું એલાન કર્યુ છે. બીજી તરફ ઇરાને પણ મોરચો સંભાળવા માટે તૈયારી શરૂ કરી છે.
હમાસે ફરી એકવાર ઇઝરાયેલ પર હુમલો કર્યો છે. તેલ અવીવ પર મિસાઇલો છોડવામાં આવી હોવાના અહેવાલ છે. અહેવાલો અનુસાર, અલ-કાસમ બ્રિગેડે આ હુમલાની જવાબદારી સ્વીકારી છે.
હમાસે કહ્યું છે કે તેણે તેલ અવીવ પર બે રોકેટ છોડ્યા અને વિસ્ફોટ સંભળાયા છે. હમાસની લશ્કરી પાંખ અલ-કાસમ બ્રિગેડે મંગળવારે જાહેરાત કરી કે તેણે તેલ અવીવ અને આસપાસના વિસ્તારોને નિશાન બનાવતા બે M90 રોકેટ છોડ્યા છે.
મંગળવારે સેનાના એક નિવેદનમાં કહેવામાં આવ્યું છે કે, થોડા સમય પહેલા એક હથિયાર ગાઝા પટ્ટીને વટાવીને મધ્ય ઇઝરાયેલના સમુદ્ર વિસ્તારમાં પડ્યુ છે. સ્થાનિક લોકોએ શહેરમાં જોરદાર ધડાકાનો અવાજ સાંભળ્યો પરંતુ ઇમારતોને કોઈ નુકસાન થયું નથી. આ ઉપરાંત એક વધારાના હથિયારની ઓળખ કરવામાં આવી છે, જે ઇઝરાયેલના ક્ષેત્રમાં પ્રવેશી શકી નથી.
જણાવી દઈએ કે, ઇઝરાયેલે રજા પર ગયેલા તમામ સૈનિકોને તાત્કાલિક દેશમાં પરત ફરવાનો આદેશ આપ્યો છે. આ સિવાય સૈનિકોને ઈરાની જવાબી કાર્યવાહીના ડરથી ઈરાનની નજીક આવેલા અઝરબૈજાન અને જ્યોર્જિયાને તાત્કાલિક છોડી દેવા આદેશ કર્યો છે. ઈઝરાયેલના સંરક્ષણ દળોએ ઈરાનને ચેતવણી આપતા કહ્યું છે કે, અમે અમારા દુશ્મનોની જાહેરાતો અને નિવેદનોને ગંભીરતાથી લઈએ છીએ.
બીજી તરફ તણાવ વચ્ચે અમેરિકાએ ઇરાન દ્વારા ઇઝરાયેલ પર હુમલાની ચેતવણી આપી છે. ઈઝરાયેલની સેનાએ કહ્યું છે કે તે સંપૂર્ણ રીતે એલર્ટ છે.
Click it and Unblock the Notifications
Sign in with Google
