pics: ઓડી રજૂ કરશે પાંચ નવી કાર્સ

Published: Monday, March 4, 2013, 14:08 [IST]

ઓટો જગતમાં એકથી એક ચઢિયાતી અને શાનદાર લગ્ઝરી કાર્સ રજૂ કરનારી જર્મનીની પ્રમુખ કાર નિર્માતા કંપની ઓડી પોતાના વાહનોના વિશાળ રેન્જમાં વધારો કરવા જઇ રહી છે. ઓડી આગામી જીનેવા મોટર શોમાં વિશ્વની સામે પોતાની 5 નવી શાનદાર કાર્સ રજૂ કરવાનું વિચારી રહી છે. ઓડીએ એક પત્રકાર પરિષદમાં આ વાતની માહિતી આપી છે.

તમને જણાવી દઇએ કે આ વાતની ચર્ચા ઘણા દિવસથી ચાલી રહી હતી કે ઓડી આ વખતે જીનેવા મોટર શો દરમિયાન શાનદાર કાર્સ રજૂ કરશે. આખરે આજે ઓડીએ આ વાતની જાણકારી આપી દીધી છે. પ્રાપ્ત માહિતી અનુસાર ઓડી આ વખતે જીનેવા મોટર શો દમરિયાન પોતાની શ્રેષ્ઠ કાર આરએસ3, એવાંટ એસ3, આરએસ ક્યૂ3, એ3 ઇ-ટ્રોન અને એ3 જી-ટ્રોનને રજૂ કરશે.

હાલના સમયમાં ભારતીય બજારમાં ઓડીએ પોતાની શાનદાર કાર્સની મદદથી શ્રેષ્ઠ પ્રદર્શન કર્યું છે અને મર્સડીઝ ઇન્ડિયાને પાછળ રાખી દેશની બીજી સૌથી મોટી લગ્ઝરી કાર નિર્માતા કંપની બની ગઇ છે. હાલ પહેલા ક્રમાંક પર બીએમડબલ્યું છે. તો ચાલો તસવીરોના માધ્યમથી જોઇએ ઓડીની શ્રેષ્ઠ પાંચ કાર્સને.