દેશમાં આવી રહી છે ઇન્ડિયન મોટરસાઇકલ

Published: Monday, May 20, 2013, 16:40 [IST]

ઇન્ડિયન મોટરસાઇકલ નામ સાંભળીને તમારા દિમાગમાં આ પ્રશ્ન આવ્યો હશે કે, ઇન્ડિયન મોટરસાઇકલ આપણા જ દેશની કોઇ મોટરસાઇકલ બ્રાન્ડ હશે, પરંતુ એવું જરા પણ નથી, નામ સાથે ભલે તેનો સંબંધ હોય, પરંતુ આ કંપની ભારતની નહીં પરંતુ અમેરિકાની જાણીતી મોટરસાઇકલ નિર્માતા કંપની છે. ઘણો જ આકર્ષક લુક અને દમદાર એન્જીન ક્ષમતાથી સજેલી ઇન્ડિયન મોટરસાઇકલની ધૂમ આખા વિશ્વમાં છે.

તમને જણાવી દઇએ કે અમેરિકન વાહન નિર્માતા કંપનીની શરૂઆત અમેરિકાના સ્પ્રીંગફિલ્ડમાં થઇ હતી. આ કંપની વર્ષ 1901થી 1953 સુધી પોતાની બાઇક્સનું ઉત્પાદન કરતી રહી. શરૂઆથમાં આ કંપનીનુ નામ હેનડી હતુ, પરંતુ 1928માં આ કંપનીનું નામ બદલીને ઇન્ડિયન મોટરસાઇકલ રાખવામાં આવ્યું. વર્ષ 1910ના સમયગાળામાં ઇન્ડિયન મોટરસાઇકલ વિશ્વની સૌથી મોટી મોટરસાઇકલ નિર્માતા કંપની હતી.

હવે તમારા માટે એ ખુશીની વાત છે કે આ કંપની ભારતીય રસ્તાઓ તરફ પોતાનું વળી રહી છે. જી હાં, ઇન્ડિયન મોટરસાઇકલે પોતાની ઓફિશિયલ વેબસાઇટ પર આ વાતની જાણકારી આપી છે કે, તે ભારતીય બજારમાં પોતાની માટરસાઇકલ ઉતારવા જઇ રહી છે. તો ચાલો તસવીરોના માધ્યમથી જોઇએ. ઇન્ડિયન મોટરસાઇકલની શાનદાર બાઇક્સને.