કચરામાંથી મળેલી બેંક પાસબૂકે વ્યક્તિની કિસ્મત બદલી નાંખી, જાણો શું છે પુરી ઘટના?

By Desk

Published: Monday, August 7, 2023, 20:00 [IST]

ઘણી વખત તમારી સાથે એવી ઘટના બની હશે કે ઘરની સફાઈ કરતા કે કચરાને ફેંકતી વખતે કેટલીક એવી વસ્તુઓ હાથ લાગી જાય છે જે હકિકતમાં અમુલ્ય હોય છે. આવી જ એક ઘટના ચિલીના એક વ્યક્તિ સાથે ઘટી. આ ઘટનાએ તે વ્યક્તિને કરોડપતિ બનાવી દીધો.

અહેવાલો અનુસાર, ચિલીના રહેવાસી એક્ઝિકેલ હિનોજોસા એક દિવસ તેના ઘરની સફાઈ કરી રહ્યા હતા. આ દરમિયાન તેને કચરાના ઢગલામાંથી તેના પિતાની 60 વર્ષ જૂની એક પાસબૂક મળી. તેમને આ પાસબૂક ધ્યાનથી જોઈ તો તે આશ્ચર્યચકિત્ત થઈ ગયા.

આ વ્યક્તિના પિતા 10 વર્ષ પહેલા દુનિયા છોડીને વિદાય થઈ ગયા હતા. જ્યારે એક્ઝિકેલે આ પાસબૂકને ધ્યાનથી જોઈ તો તેને ખબર પડી કે વર્ષો પહેલા તેના પિતાએ મકાન ખરીદવા માટે ખાતામાં કેટલાક પૈસા જમા કરાવ્યા હતા.
જ્યારે જમા કરાવાઈ ત્યારે આ રકમ મામુલી 1.40 લાખ પેસો એટલે કે 13480 રૂપિયા હતા. જો કે આ રૂપિયાની જાણ જ્યારે એક્ઝિકેલને થઈ ત્યારે તેની કિંમત લાખોમાં પહોંચી ગઈ હતી.

જે બેંકમાં આ પૈસા જમા હતા તે બેંક બંધ થઈ ગઈ છે અને પૈસા મેળવવા મુશ્કેલ હતા. જો કે પુરી ઘટનામાં એક વસ્તુએ આ રૂપિયા બચાવી લીધા. આ પાસબૂકમાં સ્ટેટ ગેરંટીડ લખેલુ હતુ. આ પછી વ્યક્તિએ સરકારના દરવાજા ખખડાવ્યા. જો કે સરકારે પણ રૂપિયા ચુકવવાની ના પાડી દીધી.

આ વ્યક્તિએ સરકાર સામે કોર્ટનો દરવાજો ખખડાવ્યો અને રૂપિયા પર પોતાનો દાવો રજુ કર્યો.આ વ્યક્તિએ કહ્યું કે, તેના પિતાએ તેની મહેનતની કમાણીમાંથી પૈસા રાખ્યા હતા અને તે તેના હકદાર છે. દલીલ સાંભળીને કોર્ટે સરકારને લગભગ 1 બિલિયન પેસોની રકમ મોંઘવારી ભથ્થા અને વ્યાજ સાથે પરત કરવાનો આદેશ આપ્યો. હવે આ રૂપિયાના ભરોષે તે કરોડપતિ બની ગયા છે.

Published On August 7, 2023