What is Mulakaram : સ્તન ઢાંકવા આપવો પડતો હતો ટેક્સ, જાણો શું છે મુલાકરમ?
What is Mulakaram : શું તમે જાણો છો કે, ઘણા વર્ષો પહેલા મહિલાઓને તેમના સ્તન ઢાંકવા માટે ટેક્સ ચૂકવવો પડતો હતો. આ કાયદા મુજબ દલિત અને ઓબીસી મહિલાઓ પોતાના સ્તન ઢાંકી શકતી ન હતી.
What is Mulakaram : પ્રાચીન સમયમાં દેશમાં એવા ઘણા રિવાજો હતા, જે જાતિવાદી માનસિકતાને કારણે દલિત અને ઓબીસી લોકોને કેટલી યાતનાઓનો સામનો કરવો પડ્યો હતો. આવો જ એક પ્રકારનો ટેક્સ હતો, જે દલિત અને ઓબીસી મહિલાઓ પર લાગુ પડતો હતો. જેને મુલાકરમ તરીકે ઓળખવામાં આવે છે.
આ ટેક્સ દલિત અને ઓબીસી મહિલાઓને પોતાના સ્તન ઢાકવા બદલ ચુકવવો પડતો હતો. આજે આપણે આ અહેવાલમાં મુલાકરમના ઈતિહાસ વિશે વિસ્તારમાં જાણીશું.
આ સામ્રાજ્યમાં લેવામાં આવતો હતો છાતી ઢાંકવા પર કર
અહેવાલો અનુસાર, વર્ષ 1729માં મદ્રાસ પ્રેસિડેન્સીમાં ત્રાવણકોર સામ્રાજ્યની સ્થાપના કરવામાં આવી હતી. આ સામ્રાજ્યમાં નવા નિયમો અને નિયમો બનાવવામાં આવ્યા અને રાજા માર્તન્ડ વર્માએ અનેક પ્રકારના કર લેવાની પદ્ધતિ શરૂ કરી હતી.
સેલ્સ ટેક્સ, જીએસટી અને હાઉસ ટેક્સ ઉપરાંત તેમણે બ્રેસ્ટ ટેક્સ માટે પણ કાયદો બનાવ્યો હતો. આ નિયમ હેઠળ દલિત અને ઓબીસી મહિલાઓએ તેમની છાતી ઢાંકવા માટે ટેક્સ ચૂકવવો પડતો હતો. ત્રાવણકોર સામ્રાજ્યમાં એવો પણ નિયમ હતો કે, નીચલી જાતિની મહિલાઓએ માત્ર કમર સુધી જ કપડાં પહેરવાના રહેશે.
વર્ષ 1729માં રાજાએ એક કાયદો બનાવ્યો
આટલું જ નહીં, આ સામ્રાજ્યની મહિલાઓને તેમના સ્તનના કદ પ્રમાણે ટેક્સ લાગતો હતો. જેમ કે, જો કોઈનું સ્તન નાનું હોય તો તેણે ઓછોટેક્સ ભરવો પડતો હતો અને જેનું સ્તન મોટું હોય તેણે વધુ ટેક્સ ભરવો પડતો હતો. આ કરનું નામ મુલાકરમ હતું.
જો કોઈ મહિલા છાતી ઢાંકવા છતાં ટેક્સ ન ભરતી હોય, તો અધિકારીઓ તેના કપડાં પણ ફાડી નાખતા હતા. જોકે, થોડા સમય બાદ મહિલાઓએ તેનો વિરોધ શરૂ કર્યો હતો.
નાંગેલી નામની મહિલાએ વિરોધ કર્યો અને પોતાની છાતી ઢાંકવા લાગી હતી. આનાથી ઉચ્ચ જાતિના લોકો રોષે ભરાયા હતા. તેના પતિએ પણ સાથ આપ્યો અને પછી રાજાએ નાંગેલી અને તેના પતિ પાસેથી બળજબરીથી ટેક્સ વસૂલવાનું શરૂ કર્યું હતું.
એકવાર જ્યારે રાજાના અધિકારીઓ બળપૂર્વક કર વસૂલવા નાંગેલીના ઘરે ગયા, ત્યારે તેણીએ તેના સ્તન કાપીને તેમને આપી દીધા અને સતત રક્તસ્રાવને કારણે તેણીનું મૃત્યુ થયું હતું.
સ્તન કાપીને જીવ આપ્યો
મૃત્યુ બાદ નાંગેલીના પતિ ચિરકંદુને પણ પોતાનો જીવ આપ્યો હતો. કહેવાય છે કે, ભારતના ઈતિહાસમાં પહેલીવાર કોઈ પુરૂષ 'સતી' થયોહતો. આ પછી વિરોધ વધુ વધ્યો અને પછી મહિલાઓને છાતી ઢાંકવાની આઝાદી મળી હતી.
જે બાદમાં સામ્રાજ્યના રાજાએ પણ જાહેરાત કરવી પડી કે હવે નીચલી જાતિની મહિલાઓએ તેમના સ્તન ઢાંકવા માટે કોઈ ટેક્સ ચૂકવવો પડશે નહીં. મુલાકરમ પર એક શોર્ટ ફિલ્મ પણ બની છે, જેનું નામ છે મુલાકરમ.
Click it and Unblock the Notifications
Sign in with Google
