આ ગામમાં દરેક ઘરમાં છે એક જ જેવા બે ચહેરા, જાણો ક્યાં આવેલુ છે ભારતનું આ ટ્વિન ટાઉન?
ભારતમાં ઘણી એવી જગ્યાઓ આવેલી છે જેના વિશે દેશ-વિદેશમાં ચર્ચા થાય છે. આવી જ એક જગ્યા કેરળમાં આવેલી છે. આ જગ્યા વિશે કહેવાય કે ત્યાં દરેક ઘરમાં એક જેવા બે ચહેરા જોવા મળે છે.
કેરળમાં એક એવું ગામ છે જ્યાં દરેક બીજા ઘરમાં એક જ ચહેરાવાળા બે લોકો જોવા મળે છે. ભારતમાં બીજે ક્યાંય કરતાં અહીં વધુ જોડિયા જન્મે છે. આમ થવા પાછળ ખાસ કારણ છે.
આ ગામ ભારતના કેરળમાં આવેલું છે. આ ગામનું નામ કોડીન્હી છે. લોકો આ ગામને ટ્વિન ટાઉન તરીકે પણ ઓળખે છે. અહીં ઘણા વર્ષોથી જોડિયા બાળકોનો જન્મ થાય છે.
જો તમે અહીં પહેલીવાર જશો તો એક જ ચહેરાવાળા બે લોકોને જોઈને તમને આશ્ચર્ય થશે. સૌથી મોટી વાત એ છે કે માત્ર ચહેરો જ નહીં પરંતુ ઘણા લોકોના શરીરનું બંધારણ પણ એક સરખું હોય છે. આ ગામમાં 400થી વધુ જોડિયા લોકો છે.
ગ્રામજનો અનુસાર, આ ગામમાં 1940માં જોડિયા બાળકોનો પહેલો કેસ સામે આવ્યો હતો. 1990 પછી આ ગામમાં જોડિયા બાળકોની સંખ્યામાં સતત વધારો જોવા મળ્યો. વૈજ્ઞાનિકો હજુ પણ આની પાછળનું રહસ્ય ઉકેલી શક્યા નથી.
આ માટે ઘણા બાળકોના ડીએનએનો અભ્યાસ પણ કરવામાં આવ્યો હતો. પરંતુ હજુ પણ કશું મળ્યુ નથી. કેટલાક લોકોનું માનવું છે કે આવું એટલા માટે છે કારણ કે અહીંના સ્થાનિક આહારથી જોડિયા જન્મવાની શક્યતાઓ વધી જાય છે. જો કે, વૈજ્ઞાનિકો આ સાથે સંપૂર્ણપણે સહમત નથી.
જો તમે આને સમસ્યા તરીકે જોતા હોવ તો તમે ખોટા છો. વાસ્તવમાં અહીંના સ્થાનિક લોકો તેને આશીર્વાદ તરીકે જુએ છે. તેઓ માને છે કે આ તેમને ભગવાન તરફથી ભેટ છે. અહીંના લોકો જોડિયા બાળકોના જન્મથી એટલા ખુશ છે કે તેઓ દર વર્ષે વાર્ષિક તહેવાર ઉજવે છે. સૌથી મોટી વાત એ છે કે આ તહેવારમાં ભાગ લેવા માટે દુનિયાભરમાંથી લોકો કેરળના આ ગામમાં આવે છે.
Click it and Unblock the Notifications
Sign in with Google
