Viral Video: રડતી બાળકીને ઘોડાએ કંઇ આ રીતે કરાવી ચૂપ

રડતી બાળકીને ચૂપ કરાવતો ઘોડાનો આ અજાયબ વીડિયો સોશિયલ મીડિયા પર ખૂબ વાયરલ થઇ રહ્યો છે.

માત્ર માણસોમાં જ નહીં, પ્રાણીઓમાં પણ દયા અને મમતા જેવી લાગણી હોય છે. પ્રાણીઓ પણ બાળકોને માણસોની માફક જ ખૂબ પ્રેમ કરે છે. આ વાતની સાબિતી પૂરતો એક વીડિયો સામે આવ્યો છે. આ વીડિયોમાં ઘોડો એક રડતી બાળકીને ચૂપ કરાવતો જોવા મળે છે. આ વીડિયો સોશિયલ મીડિયા પર ખૂબ વાયરલ થઇ રહ્યો છે.

આ વીડિયોમાં ઘોડો જે રીતે બાળકીને ચૂપ કરાવે છે, એ જોઇને તમને ઘણું આશ્ચર્ય થશે. નાટિંઘમમાં ઘોડાના તબેલાનો આ વીડિયો છે, જેમાં નાનકડી બાળકી બેબી સિટરમાં એકલી દેખાય છે. બેબી સિટરમાં બેઠેલી આ બાળકી માત્ર 8 મહિનાની છે અને તેનું નામ છે રૂબી. એકલી બેઠેલી રૂબી અચાનક રડવા માંડે છે, રેડ નામના ઘોડાનું ધ્યાન આ તરફ જાય છે. તે રૂબીને રડતી જોઇને પોતાના નાક વડે તેના બેબી સિટરને ઝુલાવવાનો પ્રયત્ન કરે છે.

રૂબી પહેલા તો ડરીને ચૂપ થઇ જાય છે, ધીરે-ધીરે તેનો ડર જતો રહેતાં તે હસવા માંડે છે. બાળકીને ચૂપ થયેલી જોઇને રેડ ખુશ થાય છે અને ઝૂલો ઝુલાવવાનું ચાલુ રાખે છે. ત્યાં હાજર કેર ટેકર આ નજારો જોઇ ભાવુક થઇ ગયો હતો. તેનું કહેવું છે કે, તેણે આજ પહેલાં આવું દ્રષ્ય ક્યારેય નથી જોયું. બાળકીને ચૂપ કરાવતાં ઘોડાનો આ વીડિયો ખૂબ વાયરલ થઇ રહ્યો છે, લોકોને આ વીડિયો ખૂબ પસંદ પડી રહ્યો છે.

તમે પણ જુઓ આ વાયરલ વીડિયો અહીં...

English summary

A horse seemingly took over as a babysitter by gently rocking a baby girl who had been crying during a visit to stables.