પતિએ 9 વર્ષ ડ્રાઈવિંગ કરીને પત્નીને સિંગર બનાવી, સફળતા મળતા જ લાત મારી દીધી
ઉત્તર પ્રદેશની જ્યોતિ મોર્યની કહાની સામે આવ્યા બાદ લોકોમાં ભારે ગુસ્સો જોવા મળ્યો હતો. હવે આવો જ એક કિસ્સો લખનૌમાં સામે આવ્યો છે.
જ્યોતિ મૌર્ય બાદ લખનૌની જ્યોતિ પાંડે ચર્ચાએ ચડી છે. જ્યોતિનો પતિ હોવાનો દાવો કરનાર એક વ્યક્તિએ પ્રખ્યાત ગાયિકા જ્યોતિ પાંડે પર ગંભીર આરોપ લગાવ્યા છે. તે પોતાની પત્નીને પરત મેળવવા માટે હાથમાં પોસ્ટર લઈને પણ ભટકી રહ્યો છે.
લખનૌની સડકો પર ફરતા વ્યક્તિનું નામ અરવિંદ પાંડે છે. અરવિંદનું કહેવું છે કે તેના લગ્ન 9 વર્ષ પહેલા જ્યોતિ નામની યુવતી સાથે થયા હતા. લગ્ન પછી તેને ખબર પડી કે જ્યોતિને સિંગિંગનો શોખ છે.
આ જાણ્યા પછી અરવિંદે જ્યોતિને સિંગિંગ માટે પ્રોત્સાહિત કરી. તેણે તેનો તમામ ખર્ચ ઉઠાવ્યો. પોતાના સપના પૂરા કરવા માટે તેણે ડ્રાઈવરની નોકરી લીધી. 5 લાખ રૂપિયા ભેગા કર્યા પછી તેણે એક નાનો સ્ટુડિયો બનાવ્યો. તેને મુંબઈનો રસ્તો બતાવ્યો.
વ્યવસાયે ડ્રાઈવર અરવિંદ કહે છે કે જ્યોતિ પહેલા તેની યુટ્યુબ ચેનલ માટે ગીત ગાતી હતી. ચેનલ ધીરે ધીરે હીટ થવા લાગી અને જ્યોતિ લખનૌમાં ઓળખાવા લાગી. પછી તે થોડી જ વારમાં ફેમસ થઈ ગઈ.
જો કે ફેમસ થતાં જ તેનો ઈરાદો બદલાઈ ગયો. અરવિંદ કહે છે કે ફેમસ થયા પછી જ્યોતિને ધર્મેન્દ્ર શુક્લા નામના વ્યક્તિ સાથે પ્રેમ થઈ ગયો. આ પછી માર્ચ 2024માં જ્યોતિ ઘરનો તમામ સામાન લઈને નીકળી ગઈ.
અરવિંદે આ મામલે પોલીસમાં ફરિયાદ કરી છે પરંતુ હજુ સુધી તેને ન્યાય મળ્યો નથી. આ મામલે SHO ગોમતી નગર એક્સટેન્શનનું કહેવું છે કે ફરિયાદ મળી છે અને તપાસ ચાલી રહી છે. જ્યારે અરવિંદની પત્ની જ્યોતિ પાંડેને બોલાવીને પૂછપરછ કરવામાં આવી તો તેણે જણાવ્યું કે અરવિંદને દારૂ પીવાની લત છે. દારૂ પીધા પછી ઝઘડા થાય છે. આ કારણે હું તેની સાથે નથી રહેતી.
Click it and Unblock the Notifications
Sign in with Google
