હવે કામ કરતી મહિલાઓને તેના બાળક માટે પિતા ભાડે મળશે, જાણો શું છે ડેડી ઓન રેંટ સર્વિસ?
હાલમાં જ સમાચાર આવ્યા હતા કે ઘણા દેશમાં ભાડે ગર્લફ્રેન્ડ મળે છે. જો કે હવે વાત તેનાથી આગળ વધી ગઈ છે અને બાળકો માટે પિતા પણ ભાડેથી મળવા લાગ્યા છે. ચીનમાં હવે આ ડેડી ઓન રેન્ટ સર્વિસ શરૂ થઈ છે.
ચીન વિશે માન્યતા છે કે ત્યાં તમામ વસ્તુઓ ભાડે મળી જાય છે. તે ગર્લફ્રેન્ડ-પત્નિ કે પછી બોયફ્રેન્ડ કે પતિ પણ કેમ નહીં. હવે વાત તેનાથી આગળ વધી છે અને અહીં પિતા પણ થોડા કલાકો માટે ભાડે મળે છે. આ સેવા નાના બાળકો માટે શરૂ કરવામાં આવી છે. જેથી માતા તેમના બાળકોથી અલગ સમય પસાર કરી શકે.
સાઉથ ચાઈના મોર્નિંગ પોસ્ટના અહેવાલ અનુસાર, આ સેવા ચીનના એક બાથહાઉસમાં શરૂ કરવામાં આવી છે અને લોકો ખૂબ પસંદ કરી રહ્યા છે. આ સેવાની સોશિયલ મીડિયા પર ખુબ ચર્ચા થઈ રહી છે.
આ સેવા ચીનના લિયોન્ગિંગ પ્રાંતના શેનયાંગમાં શરૂ કરવામાં આવી છે અને તેને ઘણી જગ્યાએ પ્રમોટ કરવામાં આવી રહી છે. આ સેવા ખાસ એ મહિલાઓ માટે છે જેને બાળકો છે અને તેની સંભાળ રાખવા માટે બીજું કોઈ નથી.
ચીનમાં બાથહાઉસ ખૂબ જ લોકપ્રિય છે અને અહીં લોકો આરામ કરવા આવે છે. આ બાથહાઉસમાં મહિલાઓ અને પુરુષોની ગોપનીયતા માટે અલગ-અલગ વિભાગ રાખવામાં આવ્યા છે. હવે મુશ્કેલી એ છે કે મહિલાઓ તેના નાના બાળકો સાથે ત્યાં જવામાં અસહજ અનુભવ કરે છે.
આ સમસ્યાથી ઉકેલ માટે ડેડી ઓન રેન્ડ સેવા શરૂ કરવામાં આવી છે. આ અંતર્ગત ત્યાં હાજર પુરુષો દ્વારા બાળકોની સંભાળ રાખવામાં આવશે અને તેમની માતા બાથહાઉસમાં સેવાનો આનંદ ઉઠાવી શકશે.
કોઈ મહિલા તેના નાના બાલખો સાથે આવે છે તો આ સેવા હેઠળ તેના કપડાં બદલાશે. તેને નવડાવીને તેને તેની માતાને શોધવા માટે બનાવેલી જગ્યા પર લઈ જવામાં આવશે. આ સેવા વિનામૂલ્યે આપવામાં આવે છે. જો કે હજુ એ નથી કહેવાયુ કે આ ભાડાના પિતા માટે ટ્રેનિંગ અપાશે કે કેમ? આ સેવામાં બાળકોને ખાણી-પીણી, મસાજ અને મનોરંજન પણ આપવામાં આવશે. સોશિયલ મીડિયા પર લોકો આ સેવાની ખૂબ પ્રશંસા કરી રહ્યા છે.
Click it and Unblock the Notifications
Sign in with Google
