બિહારમાં ઝડપથી વધી રહ્યો છે કોર્ટ મેરેજનો ટ્રેન્ડ, જાણો કેમ આવુ થઈ રહ્યું છે?

બિહારની ગણતરી ભારતના પછાત રાજ્યોમાં થાય છે. જો તે તમને જાણીને નવાઈ લાગશે કે આ પછાત રાજ્યમાં પણ મેરેજનો ટ્રેન્ડ વધી રહ્યો છે. બિહારના યુવાનોને કોર્ટ મેરેજ કેમ પસંદ આવી રહ્યા છે તેની પાછળના ઘણા કારણો છે?

આંકડા અનુસાર, 2022માં બિહારમાં 1212 કપલે કોર્ટ મેરેજ કર્યા છે. જાણીને નવાઈ લાગશે કે આ આંકડાની સરખામણીમાં 2023નાં આંકડામાં મોટો તફાવત છે. આ વર્ષે જૂન સુધીમાં જ મેરેજ રજીસ્ટ્રેશનના 566 અને લગ્ન કરવા માટેની 717 અરજીઓ આવી છે. ગચા વર્ષે લગ્ન પહેલાની અરજીનો આંકડો 1439 હતો.

સામાન્ય સ્થિતીમાં લવ મેરેજ કરનારા કપલ જ કોર્ટમાં મેરેજ કરે છે. પરંતુ છેલ્લા કેટલાક સમયથી બિહાર સરકાર દ્વારા આંતરજ્ઞાતિય લગ્નોને પ્રોત્સાહન આપવામાં આવી રહ્યું છે અને આંતરજ્ઞાતિય લગ્ન કરનાર કપલને સરકાર દ્વારા 2 લાખ રૂપિયાની સહાય આપવામાં આવે છે.

આ યોજનાનો લાભ લેવા માટે કપલે લગ્નના એક વર્ષમાં સમાજ કલ્યાણ વિભાગને અરજી કરવાની રહે છે. કોર્ટ મેરેજ વધવાનું આ પણ એક કારણ છે. સામાજિક બંધનો તોડીને આંતરજ્ઞાતિય લગ્ન કરનારાઓ કોર્ટ મેરેજનો માર્ગ પસંદ કરે છે.

જણાવી દઈએ કે, જો કોર્ટ મેરેજ કરનારા કાયદાનું પાલન ન કરે તો લગ્ન રદ્દ પણ થઈ શકે છે. જો કોઈને લગ્ન સામે વાંધો હોય તો તે 100 રૂપિયાની ફી સાથે વાંધો ઉઠાવી શકે છે, પરંતુ વાંધો ઉઠાવનારને તેની અરજીને યોગ્ય ઠેરવવી પડે છે.

જો ઉંમર અંગે વાંધો ઉઠાવવામાં આવ્યો હોય તો તેના પુરાવા આપવાના રહેશે. જો પ્રતિબંધિત સંબંધ એટલે કે જેમના લગ્ન હિંદુમાં શક્ય નથી તેના સંબંધમાં વાંધો હોય તો તે પણ સાબિત કરવું પડશે. આવી સ્થિતિમાં સક્ષમ પુરાવા સાથે લગ્ન અટકાવી શકાય છે.

English summary

The trend of court marriage is increasing rapidly in Bihar, know why this is happening?