ટ્રેનમાં ટ્રાવેલ દરમિયાન મોબાઈલની બેટરી કેમ ઝડપથી ઉતરી જાય છે? જાણો શું છે કારણ?

ટેકનોલોજીના આ જમાનામાં કેટલીક બાબતો એવી છે જે તમને પરેશાન કરે છે. આવી જ એક વસ્તુ છે ટ્રેનમાં મુસાફરી કરતી વખતે મોબાઈલની બેટરી ઉતરી જવી. તમે પણ આ પ્રોબ્લેમમાંથી પસાર થયા હશો. જો કે તમે એ નહીં જાણતા હોય કે આવુ કેમ થાય છે?

ટ્રાવેલ દરમિયાન મોબાઈલની બેટરી ઝડપથી ઉતરી જવા પાછળ નેટવર્ક અને ડેટા પ્રોવાઈડર જવાબદાર છે. જ્યારે તમે લાંબા સમય સુધી ટ્રાવેલ કરતા હોય ત્યારે ફોન પર ઉપલબ્ધ નેટવર્ક વારંવાર બદલાતું રહે છે. આવુ રેલવેથી લઈને કાર તમામ મુસાફરીમાં થાય છે.

ફોન વારંવાર નેટવર્ક બદલે છે અને નજીકના નેટવર્કને શોધે છે અને તેમાંથી નેટવર્ક મેળવે છે. સફરમાં આ નેટવર્ક થોડા સમય માટે રહે છે અને મુસાફરી દરમિયાન આગળ વધીએ છીએ અને આપણો ફોન વારંવાર આવા નેટવર્કને બદલતો રહે છે. આ જ કારણ છે કે ફોનની બેટરી વધુ વપરાય છે.

મુસાફરી દરમિયાન વ્યક્તિ ફોનનો વધુ ઉપયોગ કરે છે. ફોનમાં સ્ટોર કરેલી જૂની વસ્તુઓ જોવાથી પ્રવાસની મજા બગડી શકે છે અને કંઈક નવું જોવા માટે ઇન્ટરનેટ હોવું જરૂરી છે. જો તમે મુસાફરી દરમિયાન ઇન્ટરનેટનો ઉપયોગ કરી રહ્યાં છો, તો ફોનની બેટરી વધુ ઝડપથી ખતમ થાય છે.

ફોનને વારંવાર ડેટા પ્રોવાઇડર બદલતા રહેવું પડે છે. આવી જ રીતે જીપીએસનો ઉપયોગ કરવાથી પણ ફોનની બેટરી ઝડપથી ખતમ થાય છે. આ જ કારણથી બસ કે ટ્રેન વગેરેમાં લાંબા સમય સુધી મુસાફરી કરતી વખતે સ્માર્ટફોનની બેટરી ઝડપથી ખતમ થઈ જાય છે.

English summary

Why does mobile battery drain quickly during train travel? Know what is the reason?