Akasa Air : જાણો અકાસા એરના ભાડાનું લીસ્ટ, અન્ય રૂટની કરી જાહેરાત

રાકેશ ઝુનઝુનવાલાની નવી એરલાઇન Akasa Air ટૂંક સમયમાં આકાશમાં ઉડવા જઈ રહી છે. કંપની દ્વારા અન્ય રૂટ અંગે માહિતી આપવામાં આવી હતી. એરલાઈને જણાવ્યું હતું કે, 19 ઓગસ્ટથી બેંગ્લોરથી મુંબઈની નવી ફ્લાઈટ શરૂ થશે.

Published: Wednesday, July 27, 2022, 10:47 [IST]

Akasa Air : રાકેશ ઝુનઝુનવાલાની નવી એરલાઇન Akasa Air ટૂંક સમયમાં આકાશમાં ઉડવા જઈ રહી છે. કંપની દ્વારા અન્ય રૂટ અંગે માહિતી આપવામાં આવી હતી. એરલાઈને જણાવ્યું હતું કે, 19 ઓગસ્ટથી બેંગ્લોરથી મુંબઈની નવી ફ્લાઈટ શરૂ થશે. 7 ઓગસ્ટથી શરૂ થનારી નવી એરલાઇનનું ભાડું પણ બહાર પાડવામાં આવ્યું છે. 7 ઓગસ્ટે અકાસાની પ્રથમ ફ્લાઈટ મુંબઈ-અમદાવાદ રૂટ પર ઉપડશે. આ પછી 13 ઓગસ્ટથી બેંગ્લોરથી કોચીની ફ્લાઈટ શરૂ થશે.

મુસાફરોને સીટ પર યુએસબી પોર્ટ મળશે

એરલાઈન્સ દ્વારા આપવામાં આવેલી માહિતી અનુસાર, અકાસા એર અન્ય એરલાઈન્સથી ઘણી બાબતોમાં ખાસ હશે. તેની ફ્લાઈટમાંયાત્રીઓને આવી અનેક સુવિધાઓ આપવામાં આવશે, જે પહેલીવાર મુસાફરોને મળશે. પ્લેન સીટો વધુ આરામદાયક છે. તેમજ તમામમુસાફરોને સીટ પર યુએસબી પોર્ટની સુવિધા પણ મળશે.

બેંગ્લોરથી મુંબઈ રૂટ પર દર અઠવાડિયે 28 ફ્લાઈટ્સ

કંપની દ્વારા એવી માહિતી આપવામાં આવી હતી કે, દર અઠવાડિયે મુંબઈથી અમદાવાદ રૂટ પર 26 ફ્લાઈટ્સ, બેંગ્લોરથી કોચી રૂટ પરઅને બેંગ્લોરથી મુંબઈ રૂટ પર અઠવાડિયામાં 28 ફ્લાઈટ્સ ઓપરેટ કરવામાં આવશે.

નવા રૂટની જાહેરાત સાથે, એરલાઈને આ 3 રૂટનોપ્રારંભિક તબક્કો પૂર્ણ કર્યો છે. અમદાવાદ, મુંબઈ, કોચી અને બેંગ્લોરને જોડતી 82 ફ્લાઈટ દર અઠવાડિયે ઓપરેટ કરવામાં આવશે.

ઉલ્લેખનીય છે કે, 7 ઓગસ્ટના રોજ કંપનીની ફ્લાઈટ બે એરક્રાફ્ટ સાથે શરૂ કરવામાં આવશે. આ પછી, ચોક્કસ સમય પછી દર મહિને બેનવા વિમાન કાફલામાં શામેલ કરવામાં આવશે. 2023ના અંત સુધીમાં કુલ 18 એરક્રાફ્ટ હશે.