નવા વર્ષની ભેટ! કૉમર્શિયલ LPG સિલિન્ડરના ભાવમાં થયો ઘટાડો, જાણો શું છે કિંમત
દેશમાં મોંઘવારીના મારથી પરેશાન લોકોને નવા વર્ષે મોટી રાહત મળી છે.
નવી દિલ્લીઃ દેશમાં મોંઘવારીના મારથી પરેશાન લોકોને નવા વર્ષે મોટી રાહત મળી છે. સરકારી ઈંધણ કંપનીઓએ આજે એટલે કે 1 જાન્યુઆરી, 2022થી 19 કિલોગ્રામવાળા કૉમર્શિયલ એલપીજી સિલિન્ડરના ભાવમાં 102.50 રૂપિયાનો ઘટાડો કર્યો છે. તમને જણાવી દઈએ કે કિંમતોમાં ઘટાડા બાદ શનિવારથી દિલ્લીમાં કૉમર્શિયલ એલપીજી સિલિન્ડર 1998.50 રૂપિયામાં વેચાશે. કિંમતોમાં થયેલા આ ઘટાડાથી રેસ્ટોરાં, ભોજનાલયો અને ચાની દુકાનો પર ઉપયોગમાં લેવાતા આ સિલિન્ડરને ખરીદનારાઓને રાહત મળી છે. તમને જણાવી દઈએ કે 19 કિલોના સિલિન્ડરનો ઉપયોગ લઘુ ઉદ્યોગો માટે કરવામાં આવે છે જે એક મોટો વર્ગ છે.
ગયા મહિને 1 ડિસેમ્બરના રોજ 19 કિલોગ્રામવાળા એલપીજી સિલિન્ડરની કિંમતોમાં 100 રૂપિયાનો વધારો કરવામાં આવ્યો હતો જેનાથી દિલ્લીમાં એક કૉમર્શિયલ સિલિન્ડરના ભાવ 2101 રૂપિયા સુધી પહોંચી ગયા હતા. તમને જણાવી દઈએ કે કૉમર્શિયલ એલપીજી સિલિન્ડરની આ કિંમત વર્ષ 2012-13 બાદ બીજી સૌથી વધુ હતી. યુપીએસ સરકારમાં કૉમર્શિયલ સિલિન્ડરોની મહત્તમ કિંમત 2200 રૂપિયા હતી. જો કે, 14.2 કિલો, 5 કિલો, 10 કિલો કંપોઝિટ કે 5 કિલો કંપોઝિટ સિલિન્ડરના વજનવાળા અન્ય ઘરેલુ સિલિન્ડરોની કિંમતોમાં કોઈ ઘટાડો કરવામાં આવ્યો નથી.
આ પહેલા 1 નવેમ્બરે 19 કિલોના કૉમર્શિયલ સિલિન્ડરની કિંમતમાં 266 રૂપિયાની તેજી જોવા મળી જેનાથી કિંમતો 2000.50 રૂપિયા થઈ ગઈ હતી. નવા દરમાં ઘટાડા બાદ 19 કિલોના સિલિન્ડરની કિંમત દિલ્લીમાં 2101 રૂપિયાના મુકાબલે 1998.50 રૂપિયા થઈ ગઈ છે. ભારતમાં બધા રાજ્યો અને કેન્દ્રશાસિત પ્રદેશો માટે એલપીજી સિલિન્ડરનો દર માસિક રીતે સુધારવામાં આવે છે. આની પહેલા 1 ઓક્ટોબરે 19 કિલોના સિલિન્ડરના ભાવ 43 રૂપિયા અને 6 ઓક્ટોબરે 19 કિલોના કૉમર્શિયલ સિલિન્ડરના ભાવ 2.50 રુપિયા ઘટાડ્યા હતા. 1 સપ્ટેમ્બરે 19 કિલોના સિલિન્ડરની કિંમતોમાં 75 રૂપિયાનો વધારો કરવામાં આવ્યો હતો.
Click it and Unblock the Notifications
Sign in with Google
