નોટબંધી પછી ચાલ્યો કાળા નાણાંને સફેદ કરવાનો ખેલ

મોદી સરકારે નોટબંધી પછી કાળા નાણાંને સફેદ કરતી 2 લાખથી વધુ કંપનીઓ પર પ્રતિબંધ મૂક્યો છે. તેમાં 13 બેંકો પણ સંડોવાયેલી છે તેવું જાણવા મળ્યું છે. તો આ અંગે વધુ વાંચો અહીં

નોટબંધી પછી કાળા નાણાંને સફેદ કરવાની એક મોટી રમત રમવામાં આવી હતી તે વાતનો ખુલાસો થયો છે. આ મામલે મળેલી માહિતી મુજબ તેમાં 13 બેંકોની પણ સામેલ છે. કેન્દ્ર સરકારે આ મામલે જાણકારી આપતા જણાવ્યું છે કે નકલી કંપનીઓ દ્વારા કાળા નાણાંને સફેદ કરવામાં આવ્યા છે. જે પછી 2 લાખની વધુ કંપનીઓ પર પ્રતિબંધ લગાવવામાં આવ્યો છે. કેટલીક કંપનીઓએ 100-100 ખાતા ખોલ્યા હતા. અને કુલ 2,09,032 કંપનીઓ પર સંદિગ્ધ કાર્યવાહીની જાણકારી મળતા તેમની પર રોક લગાવવામાં આવી હતી. આમાંથી એક કંપની પાસે લગભગ 2134 ખાતા હતા. નોટબંધી પછી આ નકલી કંપનીઓએ લગભગ 4573.87 કરોડ રૂપિયાની લેતી-દેતી કરી છે.

તમને જણાવી દઇએ કે મોદી સરકારે શેલ કંપનીઓ પર પણ પોતાના સંકજો મજબૂત કર્યો છે. કારણ કે આ પહેલા સરકારે કહ્યું હતું કે શેલ કંપનીઓથી સંબંધ બનાવતા 4.5 લાખ ડાયરેક્ટર્સ અયોગ્ય છે. વધુમાં કેન્દ્રીય મંત્રી પીપી ચૌધરીએ કહ્યું હતું કે કાળાં નાણાં વિરુદ્ધ સરકારની આ લડાઇ અમે ચાલુ રાખીશું. જ્યાં કાનૂની કંપનીઓને આનાથી કોઇ મુશ્કેલી નહીં આવે ત્યાં જ જે કંપની નિયમોના વિરુદ્ધ કામ કરી રહી છે તેમને સજા ચોક્કસથી મળશે. વધુમાં ગત સપ્ટેમ્બર મહિનામાં સરકાર 2.17 લાખથી પણ વધુ કંપનીઓના નામ રેકોર્ડ પરથી નીકાળી ચૂકી છે. કારણ કે આ કંપનીઓ પાછલા લાંબા સમયથી કોઇ પણ પ્રકારનો વેપાર નહતી કરતી.

English summary

crackdown on shell firms reveals vast money laundering after notes ban.