Fuel Rates : પેટ્રોલ-ડીઝલ ભાવમાં ભડકો, જાણો શું છે આજના ભાવ?

પ્રજા સતત મોંઘવારીનો માર સહન કરી રહી છે. પેટ્રોલ અને ડીઝલના ભાવમાં ફરી એકવાર વધારો થયો છે. ઈન્ડિયન ઓઈલ કોર્પોરેશન દ્વારા મંગળવારની રાત્રે ફરી પેટ્રોલ અને ડીઝલના ભાવમાં વધારો કરવામાં આવ્યો છે.

Published: Wednesday, March 30, 2022, 9:52 [IST]

Fuel Rates : પ્રજા સતત મોંઘવારીનો માર સહન કરી રહી છે. પેટ્રોલ અને ડીઝલના ભાવમાં ફરી એકવાર વધારો થયો છે. ઈન્ડિયન ઓઈલ કોર્પોરેશન દ્વારા મંગળવારની રાત્રે ફરી પેટ્રોલ અને ડીઝલના ભાવમાં વધારો કરવામાં આવ્યો છે. મળતી માહિતી મુજબ પેટ્રોલ અને ડીઝલના ભાવમાં પ્રતિ લીટર 80 પૈસાનો વધારો થયો છે. નવા દરો બુધવારથી લાગુ થશે.

દિલ્હી અને નોઈડામાં પેટ્રોલના દર

ઉલ્લેખનીય છે કે, પેટ્રોલ અને ડીઝલની કિંમતમાં 80 પૈસા પ્રતિ લીટરનો વધારો થયા બાદ દિલ્હીમાં પેટ્રોલનો નવો દર 101.01 રૂપિયા પ્રતિ લીટર થઈ ગયો છે, જ્યારેદિલ્હીમાં ડીઝલની કિંમત 92.27 રૂપિયા પ્રતિ લીટર પર પહોંચી ગઈ છે.

NCRની વાત કરીએ તો નોઈડામાં પેટ્રોલનો નવો દર 101.04 રૂપિયા પ્રતિ લીટર છે, જ્યારેડીઝલનો દર 92.58 રૂપિયા પ્રતિ લીટર પર પહોંચી ગયો છે.

22 માર્ચથી પેટ્રોલ-ડીઝલના ભાવ વધી રહ્યા છે

ઉલ્લેખનીય છે કે, 22 માર્ચથી દેશમાં પેટ્રોલ અને ડીઝલના ભાવ સતત વધી રહ્યા છે. 24 માર્ચ સિવાય દરરોજ તેલના ભાવમાં વધારો થયો છે. સોમવારની રાત્રે પણપેટ્રોલ અને ડીઝલના ભાવમાં વધારો કરવામાં આવ્યો હતો. પેટ્રોલ 80 પૈસા અને ડીઝલ 70 પૈસા પ્રતિ લીટર મોંઘુ થયું છે.