Intel Layoff: 18000 પરિવારની રોજીરોટી પર તરાપ મારશે ઇંટેલ કંપની
અમેરિકી ચિપ નિર્માતા કંપની ઇંટેલે ગુરુવારે ઘોષણા કરી કે તેઓ પોતાના ઓપરેશન્સને સ્મુધલી ચલાવવા માટે કૂલ સ્ટાફમાંથી 15 ટકાની કટૌતી કરશે. રિપોર્ટ્સ મુજબ ઇંટેલમાં હાલ 1 લાખ ચોવિસ હજાર કર્મચારીઓ કાર્યરત છે. એવામાં કંપનીની ઘોષણા મુજબ 18 હજાર જેટલા કર્મચારીઓને નોકરીમાંથી કાઢી મૂકવામાં આવશે.
ખર્ચામાં 20 અબજ ડોલરનો કપાત કરશે કંપની
ઇંટેલ આ વર્ષના ખર્ચમાં 20 અબજ ડોલરની કટૌતી કરવાની યોજના પર વિચારી રહી છે. કંપનીને હાલના ક્વાર્ટરમાં 1.6 અબજ ડોલરનું નુકસાન થયું છે. કંપનીના સીઈઓ પૈટ ગેલસિંગરે નિવેદન જાહેર કરી જણાવ્યું હતું કે, 'અમે મુખ્ય ઉત્પાદન અને ટેક્નોલોજીમાં પ્રગતિ કરી છતાં, અમારા બીજા ક્વાર્ટરનું પ્રદર્શન ખાબ રહ્યું. બીજા હાફ માટેના વલણો અમારી અગાઉની અપેક્ષાઓ કરતાં વધુ પડકારજનક છે.' મુખ્ય નાણા અધિકારી ડેવિડ જિન્સનરે કહ્યું, 'અમારો ખર્ચો ઘટાડી અમે અમારા પ્રોફિટને શ્રેષ્ઠ અને અમારી બેલેન્સ શીટ મજબૂત કરવા માટે સક્રિય પગલાં ઉઠાવી રહ્યા છીએ.'
કંપનીએ ઇઝરાયેલમાં તેના રોકાણ પર પણ પ્રતિબંધ મૂક્યો
નુકસાનથી પરેશાન ઇંટેલે જૂન મહિનામાં ઘોષણા કરી હતી કે તે ઈઝરાયેલમાં એક પ્રમુખ ફેક્ટરીની પરિયોજનાના વિસ્તરણને અટકાવી રહી છે. ઈઝરાયેલમાં કંપની ચિપ પ્લાન્ટ માટે વધારાના 15 અબજ ડોલરની યોજના બનાવી રહી હતી. ઈંટેલે તેમના મુખ્ય પ્રતિદ્વંદ્વી એનવીડિયા, એએમડી અને ક્વાલકૉમ સામે આકરા પડકારનો સામનો કરવો પડી રહ્યો છે. દાયકાઓથી, ઇન્ટેલે લેપટોપથી લઈને ડેટા સેન્ટર્સ સુધીની દરેક વસ્તુમાં ઉપયોગમાં લેવાતી ચિપ્સના બજાર પર પ્રભુત્વ જમાવ્યું છે, પરંતુ તાજેતરના વર્ષોમાં Nvidia જેવી કંપનીઓ AIના ક્ષેત્રમાં આગળ વધી છે.
Click it and Unblock the Notifications
Sign in with Google
