LPG Cylinder Price: જુલાઈની શરુઆત સાથે સારા સમાચાર, ગેસ સિલિન્ડરના ભાવમાં ઘટાડો
LPG Cylinder Price: જુલાઈ મહિનાની શરૂઆત ગ્રાહકો માટે સારા સમાચાર સાથે થઈ રહી છે. ઓઈલ કંપનીઓએ એલપીજીના ભાવમાં ઘટાડો કરવાનો નિર્ણય લીધો છે. આજથી એલપીજી સિલિન્ડરની કિંમતમાં ઘટાડો કરવામાં આવ્યો છે. સિલિન્ડરની કિંમતમાં 30 રૂપિયાનો ઘટાડો કરવામાં આવ્યો છે.
તેલ કંપનીઓએ જુલાઈની શરૂઆતમાં નિર્ણય લીધો હતો કે 19 કિલોના કોમર્શિયલ એલપીજી સિલિન્ડરની કિંમતમાં 30 રૂપિયાનો ઘટાડો કરવામાં આવશે. જોકે, ઘરેલુ એલપીજી સિલિન્ડરની કિંમતમાં કોઈ ફેરફાર કરવામાં આવ્યો નથી.
ઘરેલુ એલપીજી સિલિન્ડરની કિંમતોની વાત કરીએ તો દિલ્હીમાં 14.2 કિલોના ઘરેલુ ગેસ સિલિન્ડરની કિંમત 803 રૂપિયા છે. મુંબઈમાં તેની કિંમત 802.50 રૂપિયા છે, જે કોલકાતા, ચેન્નાઈ, દિલ્હી કરતાં સસ્તી છે. કોલકાતામાં 14.2 kg LPG સિલિન્ડરની કિંમત 829 રૂપિયા છે. જ્યારે ચેન્નાઈમાં તે 818.50 રૂપિયા છે.
19 કિલોના કોમર્શિયલ ગેસ સિલિન્ડરની વાત કરીએ તો દિલ્હીમાં તેની કિંમત 1 જુલાઈથી વધીને 1646 રૂપિયા થઈ ગઈ છે, જે પહેલા 1676 રૂપિયા હતી. તે મુંબઈમાં 1598 રૂપિયા, કોલકાતામાં 1756 રૂપિયા અને ચેન્નાઈમાં 1809.50 રૂપિયા થઈ ગયો છે.
Click it and Unblock the Notifications
Sign in with Google
